Latest news Sports

ഇംഗ്ലീഷ് പ്രീമിയർ ലീഗ് കിരീടം മാഞ്ചസ്റ്റർ സിറ്റിക്ക്

മാഞ്ചസ്റ്റർ സിറ്റി ഇംഗ്ലീഷ് പ്രീമിയർ ലീഗിൽ കിരീടം നിലനിർത്തി. അവസാന മത്സരത്തിൽ രണ്ട് ഗോളിന് പിന്നിട്ടു നിന്ന ശേഷം പൂർവാധികം ശക്തിയോടെ തിരിച്ചടിച്ചാണ് സിറ്റി കിരീടം നേടിയത്. അവസാന മത്സരം വരെ ഒപ്പത്തിനൊപ്പം നിന്ന ലിവർപൂൾ അവസാന പോരാട്ടത്തിൽ വോൾവ്സിനെ ഒന്നിനെതിരെ മൂന്ന് ഗോളിന് തോൽപിച്ചെങ്കിലും രണ്ടിനെതിരെ മൂന്ന് ഗോളിന് ആസ്റ്റൻ വില്ലയെ തകർത്ത് മാഞ്ചസ്റ്റർ സിറ്റി കിരീടം നിലനിർത്തുകയായിരുന്നു.

38 മത്സരങ്ങളിൽനിന്ന് ലിവർപൂളിന് 92ഉം സിറ്റിക്ക് 93ഉം പോയന്റാണ് ലഭിച്ചത്. 74 പോയന്റുമായി ചെൽസി മൂന്നും 71 പോയന്റുമായി ടോട്ടനം നാലും സ്ഥാനം നേടി ചാമ്പ്യൻസ് ലീഗ് ടിക്കറ്റുറപ്പിച്ചിട്ടുണ്ട്. ടോട്ടനം നോർവിച്ച് സിറ്റിയെ മടക്കമില്ലാത്ത അഞ്ച് ഗോളിനാണ് തകർത്തുവിട്ടത്. അവസാന മത്സരത്തിൽ ചെൽസി 2-1നാണ് വാട്ട്ഫോഡിനെ തോൽപിച്ചത്.

Leave a Reply

Your email address will not be published.