Kerala Latest news

പത്ത് മാസം പ്രായമുള്ള കുഞ്ഞിനെ ഉപദ്രവിച്ച ആയ അറസ്റ്റിൽ

പത്ത് മാസം പ്രായമുള്ള കുഞ്ഞ് ഉറങ്ങാത്തതിന് ഉപദ്രവിച്ച കേസിൽ ആയ അറസ്റ്റിൽ. മുഖത്തടിയേറ്റ് കുഞ്ഞിന്റെ കർണപുടം പൊട്ടിയ കേസിൽ പിറവം നാമക്കുഴി തൈപറമ്പിൽ സാലി മാത്യു ആണ് പിടിയിലായത്.

എരുവേലി സ്വദേശിയായ ഡോക്ടറുടെ വീട്ടിൽ കുഞ്ഞിനെ പരിചരിക്കാനെത്തിയ സാലി കുട്ടി ഉറങ്ങാത്തിന്റെ ദേഷ്യത്തിൽ മുഖത്തിടിക്കുകയായിരുന്നു. സിസി ടിവിയിൽ ദൃശ്യങ്ങൾ കണ്ടതിനെ തുടർന്ന് ഇവരെ അന്ന് തന്നെ ജോലിയിൽ നിന്നും പറഞ്ഞ് വിടുകയും ചെയ്തു. എന്നാൽ പിന്നീട് കുഞ്ഞിന്റെ ചെവിയിൽനിന്ന് രക്തം വരുന്നത് ശ്രദ്ധയിൽപ്പെട്ട് ചികിത്സ തേടിയപ്പോഴാണ് കർണപുടം പൊട്ടിയെന്ന് വ്യക്തമായത്. തുടർന്ന് പൊലീസിൽ പരാതി നൽകുകയായിരുന്നു. കോടതിയിൽ ഹാജറാക്കിയ പ്രതിയെ റിമാൻഡ് ചെയ്തു.

Leave a Reply

Your email address will not be published.