Latest news National

ബോളിവുഡ് ഗായകൻ കെ. കെ അന്തരിച്ചു

പ്രശസ്തനായ മലയാളി ബോളിവുഡ് ഗായകൻ കെ. കെ അന്തരിച്ചു. 53 വയസായിരുന്നു. കൃഷ്ണകുമാർ കുന്നത്ത് എന്നാണ് യഥാർത്ഥ പേര്. കൊൽക്കത്തയിലെ സംഗീത പരിപാടി അവതരിപ്പിക്കുന്നതിനിടെയാണ് മരണം. വിവിധ ഭാഷകളിലായി 700 ലധികം ഗാനങ്ങൾ പാടിയിട്ടുണ്ട്. അഞ്ചു തവണ ഫിലിം ഫെയർ പുരസ്കാരം ലഭിച്ചിട്ടുണ്ട്.

കൊൽക്കത്തയിൽ നസ്‌റുൽ മഞ്ച എന്ന ഓഡിറ്റോറിയത്തിൽ പരിപാടി അവതരിപ്പിക്കുന്നതിനിടെയാണ് അസ്വസ്ഥത അനുഭവപ്പെട്ടത്. ഉടൻ തന്നെ ആശുപത്രിയിലെത്തിച്ചെങ്കിലും അദ്ദേഹം മരണപ്പെടുകയായിരുന്നു. മരണകാരണം വ്യക്തമായിട്ടില്ല. രാത്രി 10.30 ഓടെയാണ് ആശുപത്രിയിൽ എത്തുന്നത്. കുഴഞ്ഞ് വീണതിനെത്തുടർന്ന് അദ്ദേഹത്തിന് ചില പരിക്കുകൾ ഉണ്ടായതായി റിപ്പോർട്ടുണ്ട്.

അദ്ദേഹത്തിന്റെ വിയോഗത്തിൽ നിരവധി ആരാധകരും ഗായകരും സമൂഹ മാധ്യമങ്ങളിലൂടെ അനുശോചനം രേഖപ്പെടുത്തി.

Leave a Reply

Your email address will not be published.