രാഷ്ട്രപതി ഇന്ന് കേരളത്തിൽ

രണ്ടു ദിവസത്തെ കേരള സന്ദർശനത്തിനു രാഷ്ട്രപതി റാംനാഥ് കോവിന്ദ് ഇന്നു രാത്രി എട്ടരയോടെ തിരുവനന്തപുരത്തെത്തും. വ്യോമസേനയുടെ പ്രത്യേക വിമാനത്തിൽ ഡൽഹിയിൽ നിന്നെത്തുന്ന രാഷ്ട്രപതി രാജ്ഭവനിൽ താമസിക്കും. നാളെ രാവിലെ 11.30 ന് നിയമസഭാ മന്ദിരത്തിൽ ദേശീയ വനിതാ സാമാജിക സമ്മേളനം ഉദ്ഘാടനം ചെയ്യാനാണ് അദ്ദേഹം എത്തുന്നത്. തുടർന്ന് രാജ്ഭവനിലേക്കു പോകുന്ന അദ്ദേഹം 5 മണിക്ക് പുണെയിലേക്കു പോകും.