ഹരിതവിപ്ലവത്തില് നിര്ണായക പങ്കുവഹിച്ച ഡോ.എം.എസ്.സ്വാമിനാഥന് പരമോന്നത സിവിലിയന് ബഹുമതിയായ ഭാരതരത്ന നല്കുമെന്ന് പ്രധാനമന്ത്രി ശ്രീ നരേന്ദ്ര മോദി അറിയിച്ചു.
സ്വാമിനാഥന്റെ ദീര് ഘവീക്ഷണമുള്ള നേതൃത്വം ഇന്ത്യന് കാര് ഷിക മേഖലയെ മാറ്റിമറിക്കുക മാത്രമല്ല, രാജ്യത്തിന്റെ ഭക്ഷ്യസുരക്ഷയും സമൃദ്ധിയും ഉറപ്പാക്കുകയും ചെയ്തുവെന്ന് അദ്ദേഹം പറഞ്ഞു.
പ്രധാനമന്ത്രി X-ൽ പോസ്റ്റ് ചെയ്തു:
“കൃഷിയിലും കർഷകരുടെ ക്ഷേമത്തിലും നമ്മുടെ രാജ്യത്തിന് നൽകിയ മഹത്തായ സംഭാവനകളെ മാനിച്ച് ഡോ.എം.എസ്.സ്വാമിനാഥൻ ജിക്ക് ഭാരതരത്ന നൽകുന്നത് വളരെയധികം സന്തോഷകരമാണ്. വെല്ലുവിളി നിറഞ്ഞ സമയങ്ങളിൽ കാർഷിക മേഖലയിൽ സ്വയംപര്യാപ്തത കൈവരിക്കാൻ ഇന്ത്യയെ സഹായിക്കുന്നതിൽ അദ്ദേഹം നിർണായക പങ്ക് വഹിക്കുകയും ഇന്ത്യൻ കാർഷിക മേഖലയെ ആധുനികവത്കരിക്കുന്നതിന് ശ്രദ്ധേയമായ ശ്രമങ്ങൾ നടത്തുകയും ചെയ്തു. ഒരു നൂതനാശയക്കാരനും ഉപദേഷ്ടാവും എന്ന നിലയിലും നിരവധി വിദ്യാർത്ഥികൾക്കിടയിൽ പഠനവും ഗവേഷണവും പ്രോത്സാഹിപ്പിക്കുന്നതുമായ അദ്ദേഹത്തിന്റെ വിലമതിക്കാനാവാത്ത പ്രവർത്തനത്തെ ഞങ്ങൾ അംഗീകരിക്കുന്നു. സ്വാമിനാഥന്റെ ദീര് ഘവീക്ഷണമുള്ള നേതൃത്വം ഇന്ത്യന് കാര് ഷിക മേഖലയെ മാറ്റിമറിക്കുക മാത്രമല്ല, രാജ്യത്തിന്റെ ഭക്ഷ്യസുരക്ഷയും സമൃദ്ധിയും ഉറപ്പാക്കുകയും ചെയ്തു. എനിക്ക് അടുത്തറിയാവുന്ന ഒരാളായിരുന്നു അദ്ദേഹം, അദ്ദേഹത്തിന്റെ ഉൾക്കാഴ്ചകളെയും ഇൻപുട്ടുകളെയും ഞാൻ എല്ലായ്പ്പോഴും വിലമതിക്കുന്നു.”
