വിധി പാലിക്കാതിരുന്നതിനെത്തുടർന്ന് ഫയൽ ചെയ്ത ഹർജിയിൽ ഡി.ജി.പി മുഖേനെ വാറണ്ട് അയക്കുവാൻ ഉപഭോക്തൃകോടതി ഉത്തരവ്. പൊന്നൂക്കര തൊഴുക്കാട്ട് വീട്ടിൽ ശ്രീനാഥ് ടി .ഫയൽ ചെയ്ത ഹർജിയിലാണ് ചെന്നൈയിലെ സാംസങ്ങ് ഇന്ത്യാ ഇലക്ട്രോണിക്സ് പ്രൈവറ്റ് ലിമിറ്റഡിൻ്റെ മാനേജിങ്ങ് ഡയറക്ടർക്കെതിരെ വാറണ്ട് അയക്കുവാൻ ഉത്തരവായതു്. ടി വി യുടെ തകരാർ ആരോപിച്ച് ഫയൽ ചെയ്ത ഹർജിയിൽ ശ്രീനാഥിന് നഷ്ടപരിഹാരമായി 20000 രൂപയും ചിലവിലേക്ക് 5000 രൂപയും നൽകുവാൻ വിധി പുറപ്പെടുവിച്ചിട്ടുള്ളതാകുന്നു. എന്നാൽ എതിർകക്ഷി വിധി പാലിക്കുകയുണ്ടായില്ല. തുടർന്ന് വിധി പാലിക്കാതിരുന്നതിന് എതൃകക്ഷിയെ ശിക്ഷിക്കുവാൻ ആവശ്യപ്പെട്ട് ഹർജി ഫയൽ ചെയ്യുകയായിരുന്നു. വിധി പാലിക്കാതിരുന്നതിന് മൂന്ന് വർഷം വരെ തടവിന് ശിക്ഷിക്കുവാൻ ഉപഭോക്തൃകോടതിക്ക് അധികാരമുള്ളതാകുന്നു. ഹർജി പരിഗണിച്ച പ്രസിഡണ്ട് സി.ടി.സാബു മെമ്പർമാരായ ശ്രീജ എസ്, ആർ.റാം മോഹൻ എന്നിവരടങ്ങിയ തൃശൂർ ഉപഭോക്തൃകോടതി എതൃകക്ഷിയെ അറസ്റ്റ് ചെയ്തു് ഹാജരാക്കുവാൻ ആവശ്യപ്പെട്ട് ഡി.ജി.പി മുഖേനെ വാറണ്ട് അയക്കുവാൻ കൽപ്പിച്ച് ഉത്തരവ് പുറപ്പെടുവിക്കുകയായിരുന്നു. ഹർജിക്കാരന് വേണ്ടി അഡ്വ.ഏ.ഡി.ബെന്നി ഹാജരായി വാദം നടത്തി.
Related Articles
തൃശ്ശൂരിൽ സുരേഷ്ഗോപി തരംഗം.വിജയം സുനിശ്ചിതം – അഡ്വ കെ.കെ അനീഷ്കുമാർ.
തൃശ്ശൂർ: തൃശ്ശൂരിൽ സുരേഷ്ഗോപി തരംഗം പോളിംങ്ങ് ദിനത്തിൽ പ്രകടമായിരുന്നെന്നും വിജയം സുനിശ്ചിതമെന്നും ബിജെപി ജില്ലാ പ്രസിഡൻ്റ് അഡ്വ കെ.കെ അനീഷ്കുമാർ. സത്രീകളും യുവാക്കളും വോട്ടെടുപ്പിൽ വലിയ ഉത്സാഹത്തോടെയാണ് പങ്കെടുത്തത്.ബിജെപി പ്രവർത്തകർ വോട്ട് ചെയ്യുന്നത് തടസ്സപ്പെടുത്താൻ പല സ്ഥലത്തും കോൺഗ്രസ്സ് – സിപിഐ ബൂത്ത് ഏജൻ്റുമാരും പ്രിസൈഡിംങ്ങ് ഓഫീസറും ചേർന്ന് ശ്രമം നടത്തി. ബിജെപി ശക്തികേന്ദ്രങ്ങളിൽ പോളിംങ്ങ് മന്ദഗതിയിലാക്കാനും ശ്രമമുണ്ടായിട്ടുണ്ട്. പൂങ്കുന്നം ഹരിശ്രീ സ്കൂളിൽ സത്രീകൾ ഉൾപ്പെടെയുള്ളവരെ 5 മണിക്കൂറോളം വോട്ട് ചെയ്യാൻ അനുവദിക്കാതെ തടഞ്ഞ് നിർത്തിയത് ഹീനമായ Read More…
ബിജെപി ജില്ലാ പ്രസിഡന്റിനെതിരെ എടുത്ത 107 കേസ് കോടതി റദ്ദാക്കി
തൃശൂര്: ബിജെപി ജില്ലാ പ്രസിഡന്റ് അഡ്വ കെ.കെ അനീഷ്കുമാറിനെതിരെ പോലീസ് ചുമത്തിയ 107 കേസ് തൃശൂര് ആര്ഡിഒ കോടതി റദ്ദാക്കി. സമൂഹത്തിന്റെ സമാധാന ജീവിതത്തിന് ഭീഷണിയായ സ്ഥിരം ക്രിമിനലുകള്ക്കെതിരെ എടുക്കുന്ന സിആര്പിസി 107 ബിജെപി ജില്ലാ പ്രസിഡന്റിനെതിരെ ചുമത്തിയതില് വ്യാപക പ്രതിഷേധം ഉയര്ന്നിരുന്നു.ലോക്സഭാ തെരെഞ്ഞെടുപ്പില് പരാജയപ്പെട്ടതിന്റെ പ്രതികാര രാഷ്ട്രീയമാണ് സിപിഎമ്മും പോലീസും ചേര്ന്ന് നടപ്പാക്കിയതെന്ന് ആരോപിച്ച് ബിജെപി ഡിഐജി ഓഫീസ് മാര്ച്ചും നടത്തിയിരുന്നു. കള്ളക്കേസ് എടുത്തതിനെതിരെ ജില്ലാ കളക്ടര്, സിറ്റി പോലീസ് കമ്മീഷണര് എന്നിവര്ക്ക് പരാതിയും നല്കിയിരുന്നു. Read More…
പിണറായി വിജയൻ സർക്കാരിന് അധികാരത്തിൽ തുടരാനുള്ള അവകാശമില്ല: കെ.സുരേന്ദ്രൻ
കേരളം ഇന്നേവരെ കേട്ടിട്ടില്ലാത്തത്ര ഗുരുതരമായ ആരോപണമാണ് ഭരണകക്ഷി എംഎൽഎ പിവി അൻവർ മുഖ്യമന്ത്രിയുടെ ഓഫീസിനെതിരെ ഉന്നയിച്ചിരിക്കുന്നതെന്ന് ബിജെപി സംസ്ഥാന അദ്ധ്യക്ഷൻ കെ.സുരേന്ദ്രൻ.പിണറായി വിജയൻ സർക്കാർ രാജിവെക്കുകയാണ് വേണ്ടത്. സർക്കാറിന് അധികാരത്തിൽ തുടരാനുള്ള അവകാശമില്ലെന്നും തൃശ്ശൂരിൽ മാദ്ധ്യമപ്രവർത്തകരോട് സംസാരിക്കവെ അദ്ദേഹം പറഞ്ഞു. മുഖ്യമന്ത്രിയോ സിപിഎമ്മിന്റെ സംസ്ഥാന സെക്രട്ടറിയോ ഇതിനെക്കുറിച്ച് ഒരക്ഷരവും ശബ്ദിക്കുന്നില്ല. കേരളത്തിൽ നിയമവാഴ്ച പൂർണമായും തകർന്നു കഴിഞ്ഞു. മുഖ്യമന്ത്രിയുടെ ഓഫീസ് കേന്ദ്രീകരിച്ച് കള്ളക്കടത്ത്- കൊലയാളി- മയക്കുമരുന്ന് സംഘങ്ങൾ പ്രവർത്തിക്കുന്നുവെന്നാണ് എംഎൽഎ പറഞ്ഞത്. സ്വർണ്ണക്കള്ളക്കടത്തിനും കൊട്ടേഷൻ സംഘത്തിനും ക്രമസമാധാനം Read More…