കനത്ത മഴയിൽ തൃശ്ശൂർ വേലൂർ പുലിയന്നൂരിൽ വീട്ടുകിണർ ഇടിഞ്ഞു താഴ്ന്നു. ഞാറക്കാട്ട് രാമൻനായരുടെ വീടിനോട് ചേർന്നുള്ള കിണറാണ് ഇടിഞ്ഞു താഴ്ന്നത്. വലിയ ശബ്ദം കേട്ട് വീട്ടുകാർ നോക്കിയപ്പോഴാണ് കിണർ ഇടിഞ്ഞു വീഴുന്നത് കണ്ടത്. കിണറിന്റെ ആൾമറയും ഗ്രില്ലും മോട്ടോർ പമ്പ് സെറ്റും താഴ്ന്നുപോയി. വീടിനോട് ചേർന്ന് കിണർ ഇടിഞ്ഞു കൊണ്ടിരിക്കുന്നത് ആശങ്കയ്ക്കിടയാക്കുന്നുണ്ട്. വില്ലേജ് അധികൃതർ സ്ഥലം സന്ദർശിച്ചു.
