ബൈക്കിന് തകരാറാരോപിച്ച് ഫയൽ ചെയ്ത ഹർജിയിൽ പരാതിക്കാരന് അനുകൂല വിധി. വിയ്യൂർ തോട്ടിപ്പുറത്ത് വീട്ടിൽ സുജിത്ത് സുരേന്ദ്രൻ ഫയൽ ചെയ്ത ഹർജിയിലാണ് തൃശൂർ നെല്ലുവായിലുള്ള ശ്രീ രുദ്ര ബജാജ് ഉടമക്കെതിരെയും മണ്ണുത്തിയിലെ ഗ്രാൻഡ് മോട്ടോർസ് ഉടമക്കെതിരെയും പൂനെയിലെ ബജാജ് ഓട്ടോ ലിമിറ്റഡ് മാനേജിങ്ങ് ഡയറക്ടർക്കെതിരെയും ഇപ്രകാരം വിധിയായതു്. സുജിത്ത് സുരേന്ദ്രൻ 84803 രൂപ നൽകിയാണ് ബജാജ് കമ്പനിയുടെ പൾസർ ബൈക്ക് വാങ്ങുകയുണ്ടായത്. വാഹനത്തിന് വ്യത്യസ്തമായ ഒട്ടേറെ തകരാറുകൾ കാട്ടിയിരുന്നു. പരാതിപ്പെട്ടിട്ടും എതിർകക്ഷികൾക്ക് തകരാറുകൾ പരിഹരിക്കുവാനായില്ല. തുടർന്ന് ഹർജി ഫയൽ ചെയ്യുകയായിരുന്നു. കോടതി നിയോഗിച്ച വിദഗ്ദകമ്മീഷണർ പരിശോധന നടത്തി റിപ്പോർട്ട് സമർപ്പിച്ചിട്ടുള്ളതാകുന്നു. വാഹനത്തിൻ്റെ എഞ്ചിന് ഗുരുതരമായ തകരാറുള്ളതായി റിപ്പോർട്ടിൽ രേഖപ്പെടുത്തിയിട്ടുള്ളതാകുന്നു. തെളിവുകൾ പരിഗണിച്ച പ്രസിഡണ്ട് സി.ടി.സാബു മെമ്പർമാരായ ശ്രീജ.എസ്, ആർ.റാം മോഹൻ എന്നിവരടങ്ങിയ തൃശൂർ ഉപഭോക്തൃകോടതി ഹർജിക്കാരന് വാഹനത്തിൻ്റെ വില 84803 രൂപയും ആയതിന് ഹർജി തിയ്യതി മുതൽ 9 % പലിശയും നഷ്ടപരിഹാരമായി 10000 രൂപയും ചിലവിലേക്ക് 5000 രൂപയും നൽകുവാൻ കല്പിച്ച് വിധി പുറപ്പെടുവിക്കുകയായിരുന്നു. ഹർജിക്കാരന് വേണ്ടി അഡ്വ.ഏ.ഡി.ബെന്നി ഹാജരായി വാദം നടത്തി.
Related Articles
കാട്ടുപന്നിക്കൂട്ടം കൃഷി നശിപ്പിച്ചു
വയനാട്: പൂതാടി പഞ്ചായത്ത് വാകേരി കക്കടം കോളനിയിൽ താമസിക്കുന്ന വേലായുധന്റെ ഇഞ്ചി കൃഷി കാട്ടുപന്നിക്കൂട്ടം നശിപ്പിച്ചു. അര ഏക്കറോളം വരുന്ന ഇഞ്ചി കൃഷിയാണ് കാട്ടുപന്നിക്കൂട്ടം നശിപ്പിച്ചത്. ഒന്നരമാസം പ്രായമുള്ള ഇഞ്ചി മുളച്ചു വന്നതോടെയാണ് നശിപ്പിക്കപ്പെട്ടത്. വിത്ത് വീണ്ടും മാറ്റി നട്ടാലും ഇഞ്ചി വളരില്ലെന്നും, ഏകദേശം അമ്പതിനായിരം രൂപയുടെനഷ്ടമാണ് വന്നിരിക്കുന്നതെന്നും വേലായുധൻ പറഞ്ഞു. ഇരുളം സെക്ഷനിലെ വനംവകുപ്പ് അധികൃതർ സ്ഥലത്തെത്തി പരിശോധന നടത്തി. പ്രദേശത്ത് തുടർച്ചയായ വന്യജീവി ശല്യം രൂക്ഷമായ സാഹചര്യത്തിൽ വനം വകുപ്പ് കാര്യക്ഷമമായ ഇടപെടൽ നടത്തണമെന്നും Read More…
“ബാംഗ്ലൂർ രാജധാനി എക്സ്പ്രസ്: 176 കോടിയുടെ ട്രാക്കിൽ വേഗം കുതിക്കുന്നു!”
ഇന്ത്യയിലെ റെയിൽവേ സർവീസുകളിൽ, ബാംഗ്ലൂർ രാജധാനി എക്സ്പ്രസാണ് 2022-23 സാമ്പത്തിക വർഷത്തിൽ ഏറ്റവും കൂടുതൽ വരുമാനം നേടിയത്. 5,09,510 യാത്രക്കാരെ സേവിച്ച്, ഈ ട്രെയിൻ ഏകദേശം 176 കോടി രൂപയുടെ വൻ വരുമാനം നേടി. ഹസ്രത്ത് നിസാമുദ്ദീൻ മുതൽ കെ.എസ്.ആർ ബാംഗ്ലൂരിലേക്കുള്ള ഈ സർവീസ്, വരുമാനത്തിലൂടെ രാജധാനി എക്സ്പ്രസ് ട്രെയിനുകളിൽ മുന്നിലാണ്. പശ്ചിമ ബംഗാളിലെ സീൽദാ രാജധാനി എക്സ്പ്രസ് രണ്ടാമത് വരുന്നു. 2022-23ൽ 5,09,164 യാത്രക്കാരെ കൊണ്ടുപോയ ഈ ട്രെയിൻ, 128 കോടി 81 ലക്ഷം രൂപ Read More…
സപ്ലൈകോ സുവർണ ജൂബിലി ആഘോഷങ്ങൾക്കു തുടക്കമായി; 50 ഉത്പന്നങ്ങൾക്ക് 50 ദിവസം പ്രത്യേക വിലക്കുറവ് നൽകും: മുഖ്യമന്ത്രി
സംസ്ഥാന സിവിൽ സപ്ലൈസ് കോർപ്പറേഷന്റെ (സപ്ലൈകോ) സുവർണ ജൂബിലി ആഘോഷങ്ങൾക്കു തുടക്കമായി. ഒരു വർഷം നീണ്ടു നിൽക്കുന്ന ആഘോഷ പരിപാടികൾ തിരുവനന്തപുരം അയ്യങ്കാളി ഹാളിൽ മുഖ്യമന്ത്രി പിണറായി വിജയൻ ഉദ്ഘാടനം ചെയ്തു. 50-ാം വാർഷികത്തിന്റെ ഭാഗമായി 50 /50 (ഫിഫ്റ്റി ഫിഫ്റ്റി) പദ്ധതിയിലൂടെ സപ്ലൈകോ ഔട്ട്ലെറ്റുകളിലൂടെ 50 ജനപ്രിയ ഉത്പന്നങ്ങൾക്ക് വരുന്ന 50 ദിവസത്തേക്ക് പ്രത്യേക വിലക്കുറവും ഓഫറും നൽകുമെന്നു മുഖ്യമന്ത്രി പറഞ്ഞു. സപ്ളൈകോ ഹാപ്പി അവേഴ്സ് എന്ന പേരിൽ നടപ്പാക്കുന്ന പദ്ധതി പ്രകാരം സംസ്ഥാനത്തെ സപ്ലൈകോ Read More…