കുന്നംകുളം: ബി.ജെ.പി ദേശീയ തലത്തിൽ നടത്തിവരുന്ന മെബർഷിപ്പ് പ്രവർത്തനത്തിന്റെ ഭാഗമായി യുവമോർച്ചയുടെ നേതൃത്വത്തിൽ കുന്നംകുളം ശ്രീ വിവേകാനന്ദ കോളേജ് പരിസരത്ത് മെമ്പർഷിപ്പ് ക്യാമ്പ് സംഘടിപ്പിച്ചു. യുവമോർച്ച തൃശ്ശൂർ ജില്ലാ ജനറൽ സെക്രട്ടറി വി.ആർ സജിത്ത് വിദ്യർത്ഥികൾക്ക് മെമ്പർഷിപ്പ് നൽകികൊണ്ട് മെമ്പർഷിപ്പ് ക്യാമ്പ് ഉത്ഘാടനം ചെയ്തു. യുവമോർച്ച മണ്ഡലം ഭാരവാഹികളായ അഭിലാഷ് കടങ്ങോട്, വിനീഷ് ചെറുവത്താനി ക്യാമ്പിന് നേതൃത്വം നൽകി. കടങ്ങോട് ഗ്രാമപഞ്ചായത്ത് അംഗം എം.വി ധനീഷ്, നഗരസഭാ കൗൺസിലർ ബിനുപ്രസാദ്, ബി.ജെ.പി മണ്ഡലം കമ്മിറ്റി അംഗം പ്രദീപ് കിഴൂർ എന്നിവർ പങ്കെടുത്തു.
Related Articles
ഡിഎൻഎ ഫലം പോസിറ്റീവ്: ഷിരൂരിൽ നിന്ന് കണ്ടെത്തിയ മൃതദേഹം അർജുന്റെത് തന്നെ
ഷിരൂരിൽ നിന്നും കണ്ടെത്തിയ മൃതദേഹം അർജുന്റെതാണെന്ന് ഡിഎൻഎ പരിശോധന ഫലം സ്ഥിരീകരിച്ചു. ഹുബ്ലിയിലെ ലാബിൽ നിന്നാണ് ഫലമെത്തിയത്. അതേസമയം, വേണ്ട നടപടിക്രമങ്ങൾ പൂർത്തിയാക്കിയ ശേഷം അർജുന്റെ മൃതദേഹം വൈകിട്ടോടെ ബന്ധുക്കൾക്ക് കൈമാറും. സഹോദരൻ അഭിജിത്തും സഹോദരി ഭർത്താവ് ജിതിനും ആംബുലൻസിൽ അർജുന്റെ മൃതദേഹത്തോടൊപ്പം ഉണ്ടാകും. കർണാടക പൊലീസും യാത്രയിൽ മൃതദേഹത്തെ അനുഗമിക്കും.മൃതദേഹം നാട്ടിലെത്തിക്കുന്ന എല്ലാ ചെലവുകളും കർണാടക സർക്കാർ വഹിക്കുമെന്ന് അധികൃതർ അറിയിച്ചു.
വയനാട് ദുരന്തബാധിതരുടെ വായ്പകൾ ബാങ്കുകൾ എഴുതിതള്ളണം: മുഖ്യമന്ത്രി
വയനാട് ദുരന്തബാധിതരുടെ വായ്പകൾ എഴുതിത്തള്ളാൻ ബാങ്കുകൾ തയാറാകണമെന്ന് മുഖ്യമന്ത്രി പിണറായി വിജയൻ പറഞ്ഞു. വയനാട് ദുരന്തത്തിന്റെ പശ്ചാത്തലത്തിൽ ദുരിതാശ്വാസ പ്രവർത്തനങ്ങൾ ചർച്ച ചെയ്യുന്നതിന് വിളിച്ചു ചേർത്ത സ്റ്റേറ്റ് ലെവൽ ബാങ്കേഴ്സ് സമിതി യോഗത്തിൽ സംസാരിക്കുകയായിരുന്നു മുഖ്യമന്ത്രി. സമാനതകളില്ലാത്ത ദുരന്തമാണ് വയനാട്ടിലുണ്ടായത്. ദുരന്ത ബാധിതരിൽ കാർഷിക വൃത്തിയിലേർപ്പെടുന്നവരാണ് ഭൂരിഭാഗം. അതേസമയം ദുരന്തത്തിൽ കൃഷിഭൂമി ഒലിച്ചു പോവുകയും, ഭൂമിയുടെ സ്വഭാവം തന്നെ മാറുകയും ചെയ്തു. വിദ്യാഭ്യാസം, വീട്, കൃഷി തുടങ്ങിയ വിവിധ ആവശ്യങ്ങൾക്കായി വായ്പയെടുത്തവരാണ് ഭൂരിഭാഗം. ഇതിൽ മുഴുവൻ കുടുംബാംഗങ്ങളെയും Read More…
മുക്കാട്ടുകര സെൻ്റ് ജോർജ്ജസ് ദൈവാലയത്തിലെ വി.ഗീവർഗ്ഗീസ് സഹദായയുടെയും, വി.സെബസ്ത്യാനോസിൻ്റെയും തിരുനാളിനോടനുബന്ധിച്ച് നടന്ന കൂട് തുറക്കൽ ശ്രുശ്രൂഷ.
തൃശ്ശൂർ അതിരൂപത വികാരി ജനറാൾ വെരി.റവ. മോൺ ജോസ് വള്ളൂരാൻ്റെ മുഖ്യ കാർമ്മികത്വത്തിൽ അർപ്പിച്ച വി.കുർബാനയ്ക്ക് വികാരി ഫാ. പോൾ പിണ്ടിയാൻ, അസി. വികാരി ഫാ.ആൻ്റണി ചിറ്റിലപ്പിള്ളി (ജൂനിയർ) എന്നിവർ സഹ കാർമ്മികരായി. തുടർന്ന് നടന്ന കൂട് തുറക്കൽ ചടങ്ങുകൾക്ക് തിരുന്നാൾ കൺവീനർ ശ്രീ.ജിപ്സൺ തോമസ്, ജോയിൻ്റ് കൺവീനർ ശ്രീ.വിൽബിൻ വിത്സൺ, കൈക്കാരൻമാരായ ശ്രീ.സോജൻ മഞ്ഞില, ശ്രീ.ജെൻസൻ ജോസ് കാക്കശ്ശേരി, ശ്രീ.വിത്സൺ പ്ലാക്കൽ, ശ്രീ.കൊച്ചുവർക്കി തരകൻ, കേന്ദ്രസമിതി കൺവീനർ ശ്രീ സെബിൻ.സി.കെ തുടങ്ങിയവർ നേതൃത്വം നൽകി.