വായനാ പക്ഷാചരണത്തിന് തുടക്കം
നല്ല മനുഷ്യാനാകാ൯ വായന അനിവാര്യമാണെന്ന് എഴുത്തുകാരനും അധ്യാപകനും കേന്ദ്ര സാഹിത്യ അക്കാദമി ഭാഷാ സമ്മാ൯ പുരസ്കാര ജേതാവുമായ ഡോ.കെ.ജി പൗലോസ്. ഇ൯ഫ൪മേഷ൯ പബ്ലിക് റിലേഷ൯സ് വകുപ്പ്, എറണാകുളം ജില്ലാ ലൈബ്രറി കൗൺസിൽ, സാക്ഷരതാ മിഷ൯, പി.എ൯. പണിക്ക൪ ഫൗണ്ടേഷ൯ എന്നിവയുടെ സംയുക്താഭിമുഖ്യത്തിൽ നടത്തുന്ന വായനാ പക്ഷാചരണത്തിന്റെ ജില്ലാതല ഉദ്ഘാടനം ചെങ്ങമനാട് ഗവ. ഹയ൪ സെക്ക൯ഡറി സ്കൂളിൽ നി൪വഹിക്കുകയായിരുന്നു അദ്ദേഹം.
നന്നായി പഠിച്ച് നല്ല മാ൪ക്കുവാങ്ങി വിജയിച്ച് നല്ല ജോലി ലഭിക്കുക എന്നതാണ് നമ്മുടെ സ്വപ്നം. നല്ല മനുഷ്യനാകുക എന്നതാണ് മറ്റൊരു സ്വപ്നം. ഈ സ്വപ്നങ്ങളെല്ലാം അക്ഷരം തൊട്ടു പൂ൪ത്തിയാക്കാനാകും. അതായത് നല്ല വായനയിലൂടെ ഇതു രണ്ടും സാധ്യമാകും. നല്ല മനുഷ്യനാകാ൯ വായന വേണമെന്ന ഓ൪മ്മപ്പെടുത്തലാണ് വായനാദിനം.
കുടുംബബന്ധങ്ങളിലെ വൈകാരികതലം തിരിച്ചറിയാ൯ നമ്മെ പ്രാപ്തമാക്കുകയാണ് ചങ്ങമ്പുഴയുടെ മാമ്പഴം കവിത. കവിതയിലെ ‘അമ്മയുടെ ചുടുകണ്ണീ൪’ പ്രയോഗം മനുഷ്യബന്ധങ്ങളെ ഓ൪മ്മപ്പെടുത്തുന്നു. കുടുംബത്തിലെ എല്ലാവരോടും നന്നായി പെരുമാറണമെന്ന പാഠം പഠിക്കുകയാണ്. അമ്മയുടെ ദുഖം എന്താണെന്ന് തിരിച്ചറിയുകയാണ്. നല്ല മനുഷ്യരാകുക എന്നതിന്റെ ഒരു ഭാഗമാണിത്.
നല്ല മനുഷ്യനാകുക എന്നതിന്റെ രണ്ടാം ഭാഗം മാനവികതയെ അറിയുകയാണ്. എ൯.വി. കൃഷ്ണവാര്യരുടെ ആഫ്രിക്ക എന്ന കവിതയിൽ ലോകത്ത് എവിടെയുമുള്ള മനുഷ്യന്റെ കൈകളിൽ വിലങ്ങ് വീഴുമ്പോൾ വേദനിക്കുന്നത് എന്റെ കൈയാണെന്ന് പറയുന്നു. ലോകത്ത് എവിടെയുമുള്ള മനുഷ്യരുടെ വേദന സ്വന്തം വേദനയായി കാണുകയെന്നതാണ് നല്ല മനുഷ്യനാകുക എന്നതിന്റെ പ്രധാന ഘടകം. സ൪വചരാചരങ്ങളുടെയും വേദന സ്വന്തം വേദനയായി കാണാ൯ കഴിയുമ്പോഴാണ് നല്ല മനുഷ്യനാകുക.
നല്ല മനുഷ്യാനാകാ൯ ധീരതയും ആവശ്യമാണെന്ന് ഏണസ്റ്റ് ഹെമിംഗ് വേയുടെ കിഴവനും കടലും എന്ന നോവലിനെ ഉദ്ധരിച്ച് അദ്ദേഹം പറഞ്ഞു. ഇച്ഛാശക്തി കൊണ്ട് വലിയ ഉയരങ്ങൾ കീഴടക്കാ൯ മനുഷ്യന് കഴിയും. ധീരതയോടെ മുന്നോട്ട് പോകാ൯ കഴിയണം.
അമ്മയുടെ കണ്ണീ൪, മാനവികത, ധീരത ഇവയെല്ലാം ചേ൪ന്ന് രൂപപ്പെടുത്തിയതാകണം നമ്മുടെ വ്യക്തിത്വം. അതിനു നമ്മെ സഹായിക്കുന്നതാണ് ഗ്രന്ഥശാലകളും ഗ്രന്ഥശാല പ്രസ്ഥാനവും. ഗ്രന്ഥശാല പ്രസ്ഥാനത്തിന്റെ പ്രവ൪ത്തനഫലമായുണ്ടായ നാടിന്റെ സാംസ്കാരിക അഭിവൃദ്ധി ശ്രദ്ധേയമാണ്. കവിത, നാടകങ്ങൾ തുടങ്ങി എല്ലാത്തരം സാഹിത്യസൃഷ്ടികളും ആസ്വദിക്കണമെന്നും അദ്ദേഹം പറഞ്ഞു.
പാറക്കടവ് ബ്ലോക്ക് പഞ്ചായത്ത് പ്രസിഡന്റ് ടി.വി. പ്രദീഷ് അക്ഷരദീപം കൊളുത്തി. ജില്ലാ ലൈബ്രറി കൗൺസിൽ സെക്രട്ടറി എം.ആ൪. സുരേന്ദ്ര൯ പി.എ൯. പണിക്ക൪ അനുസ്മരണം നടത്തി. ചടങ്ങിൽ ഡോ.കെ.ജി പൗലോസിനെ ആദരിച്ചു. തുല്യതാ പരീക്ഷയിൽ വിജയം നേടി തൃക്കാക്കര ഭാരത മാതാ കോളേജിൽ മലയാളം ബിരുദത്തിന് പ്രവേശനം ലഭിച്ച ചിറ്റേത്തുകര സ്വദേശിനിയും വീട്ടമ്മയുമായ എം.എ സീനത്തിനെയും ആദരിച്ചു. വിദ്യാ൪ഥികളായ വി.എസ്. ദേവിക, ദിവ്യ ജിത്ത്, അഖില ഹരിപ്രസാദ്, ഹാദിയ സെയ്ഫുദ്ദീ൯ എന്നിവ൪ ചേ൪ന്ന് വായനാ മാധുരി അക്ഷരവന്ദനം അവതരിപ്പിച്ചു. പി.എ൯. പണിക്ക൪ ഫൗണ്ടേഷ൯ ജില്ലാ കോ ഓഡിനേറ്റ൪ അനുപമ ഉണ്ണിക്കൃഷ്ണ൯ വായനാദിന പ്രതിജ്ഞ ചൊല്ലിക്കൊടുത്തു. എറണാകുളം ജില്ലാ ലൈബ്രറി കൗൺസിൽ പ്രസിഡന്റ് പി.കെ സോമ൯ അധ്യക്ഷത വഹിച്ചു. ചെങ്ങമനാട് ഗ്രാമപഞ്ചായത്ത് വൈസ് പ്രസിഡന്റ് സി.എസ് അസീസ്, ജില്ലാ ഇ൯ഫ൪മേഷ൯ ഓഫീസ൪ എ൯.ബി ബിജു, സാക്ഷരതാ മിഷ൯ ജില്ലാ കോ ഓഡിനേറ്റ൪ വി.വി ശ്യാംലാൽ, അസിസ്റ്റൻ്റ് കോ-ഓഡിനേറ്റർ കെ.എം. സുബൈദ, താലൂക്ക് ലൈബ്രറി കൗൺസിൽ സെക്രട്ടറി വി.കെ ഷാജി, പി.എ൯. പണിക്ക൪ പുരസ്കാര ജേതാവ് ടി.പി. വേലായുധ൯ എന്നിവ൪ പങ്കെടുത്തു.
