കോൺഗ്രസ് നേതാവും മാവേലിക്കര മുൻ എംഎൽഎയുമായ എം. മുരളി (72) അന്തരിച്ചു. തിരുവനന്തപുരത്തെ സ്വകാര്യ ആശുപത്രിയിൽ പതിവ് ആരോഗ്യ പരിശോധനയ്ക്കായി എത്തിയതിനിടെയാണ് അദ്ദേഹം കുഴഞ്ഞുവീണത്. പിന്നീട് മരണം സ്ഥിരീകരിച്ചു. നാല് തവണ മാവേലിക്കരയെ പ്രതിനിധീകരിച്ച് നിയമസഭയിലെത്തിയ എം. മുരളി 1991-ലാണ് ആദ്യമായി വിജയിച്ചത്. തുടർന്ന് 1996, 2001, 2006 തിരഞ്ഞെടുപ്പുകളിലും തുടർച്ചയായി വിജയം നേടി. 2011-ൽ കായംകുളം മണ്ഡലത്തിൽ മത്സരിച്ചെങ്കിലും പരാജയം നേരിട്ടിരുന്നു. ജനകീയ പ്രവർത്തന ശൈലിയിലൂടെ മണ്ഡലത്തിൽ ഉറച്ച രാഷ്ട്രീയ സാന്നിധ്യം സ്ഥാപിച്ച നേതാവായിരുന്നു അദ്ദേഹം. Read More…


