മുഖ്യമന്ത്രി വി. ഡി. സതീശൻ ഗുരുവായൂർ ക്ഷേത്ര ദർശനം നടത്തി. ഇന്ന് വൈകിട്ട് ദീപാരാധന നേരത്തായിരുന്നു മുഖ്യമന്ത്രിയുടെ ദർശനം. ദേവസ്വം ചെയർമാൻ എ.വി.ഗോപിനാഥ്, ഭരണ സമിതി അംഗം സി. മനോജ് എന്നിവരുടെ നേതൃത്വത്തിൽ ദേവസ്വം ജീവനക്കാർ മുഖ്യമന്ത്രിയെ സ്വീകരിച്ചു. നേന്ത്രപ്പഴം കൊണ്ട് മുഖ്യമന്ത്രിക്ക് തുലാഭാര വഴിപാടും നടത്തി. 69 കിലോ നേന്ത്രപ്പഴം വേണ്ടിവന്നു. ആയതിൻ്റെ തുകയായ 3550 രൂപ ക്ഷേത്രത്തിൽ അടച്ചു. ക്ഷേത്ര ദർശനം കഴിഞ്ഞെത്തിയ മുഖ്യമന്ത്രിക്ക് തിരുമുടി മാലയും കളഭവും പഴം പഞ്ചസാരയും അടങ്ങുന്ന ശ്രീ Read More…
കേരള മോഡൽ വികസനം ലോകമെമ്പാടുമുള്ള സാമ്പത്തിക വിദഗ്ദ്ധരുടെയും സാമൂഹിക ശാസ്ത്രജ്ഞരുടെയും വലിയ പ്രശംസ പിടിച്ചുപറ്റിയ ഒന്നാണ്. സാക്ഷരത, കുറഞ്ഞ ശിശുമരണ നിരക്ക്, ഉയർന്ന ആയുർദൈർഘ്യം, മികച്ച പൊതുജനാരോഗ്യം എന്നിവയിലെല്ലാം വികസിത രാജ്യങ്ങളോട് കിടപിടിക്കുന്ന മികച്ച നേട്ടങ്ങൾ കൈവരിക്കാൻ കേരളത്തിന് സാധിച്ചിട്ടുണ്ട്. എന്നാൽ ഈ തിളക്കമാർന്ന ബാഹ്യ നേട്ടങ്ങൾക്കു പിന്നിൽ നിശബ്ദമായി പടർന്നുപിടിക്കുന്ന അതീവ ഗുരുതരമായ മറ്റൊരു യാഥാർത്ഥ്യമുണ്ട്; അതാണ് ദിനംപ്രതി വർദ്ധിച്ചുവരുന്ന മാനസികാരോഗ്യ പ്രശ്നങ്ങൾ. ഇന്ത്യയിലെ മറ്റ് പല സംസ്ഥാനങ്ങളെയും അപേക്ഷിച്ച് കേരളത്തിൽ ആത്മഹത്യാ നിരക്ക്, വിഷാദരോഗം, Read More…
നാളെ (08.08.2026 )ശക്തമായ മഴയ്ക്ക് സാധ്യതയുള്ളതായി കേന്ദ്ര കാലാവസ്ഥാ വകുപ്പും സംസ്ഥാന ദുരന്തനിവാരണ അതോറിറ്റിയും മുന്നറിയിപ്പ് നൽകിയ സാഹചര്യത്തിൽ തൃശൂർ ജില്ലയിലെ അങ്കണവാടികൾ, നഴ്സറികൾ, കേന്ദ്രീയ വിദ്യാലയങ്ങൾ, CBSE, ICSE സ്കൂളുകൾ, പ്രൊഫഷണൽ കോളേജുകൾ, ട്യൂഷൻ സെന്ററുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും നാളെ (08.08.2026 )അവധി പ്രഖ്യാപിച്ച് ജില്ലാ കളക്ടർ ഉത്തരവിട്ടു.ഈ ഉത്തരവ് ദുരന്തനിവാരണ നിയമം, 2005, സെക്ഷൻ 30(2)(xxix) പ്രകാരമാണ് പുറപ്പെടുവിക്കുന്നത്. മുൻകൂട്ടി നിശ്ചയിച്ച പരീക്ഷകൾക്കും ഇന്റർവ്യൂകൾക്കും മാറ്റമുണ്ടായിരിക്കില്ല.
തിരുവനന്തപുരം: സംസ്ഥാനത്ത് ഇന്ന് സ്വർണവിലയിൽ നേരിയ വർധന. ഗ്രാമിന് 15 രൂപ ഉയർന്നതോടെ 22 കാരറ്റ് (916) സ്വർണത്തിൻ്റെ വില ഗ്രാമിന് 13,740 രൂപ ആയി. എട്ട് ഗ്രാം (ഒരു പവൻ) സ്വർണത്തിന് 1,09,920 രൂപയാണ് ഇന്നത്തെ വില. 18 കാരറ്റ് സ്വർണത്തിൻ്റെ വില ഗ്രാമിന് 11,290 രൂപയും എട്ട് ഗ്രാമിന് 90,320 രൂപയുമാണ്. അതേസമയം, വെള്ളിവിലയിൽ മാറ്റമില്ല. ഗ്രാമിന് 240 രൂപയും എട്ട് ഗ്രാമിന് 1,920 രൂപയുമാണ് ഇന്നത്തെ നിരക്ക്.
ഗുരുവായൂർ ദേവസ്വം മെഡിക്കൽ സെൻ്ററിൽ ഒഴിവുള്ള RMO തസ്തികയിലേക്ക് താൽക്കാലിക നിയമനത്തിനായുള്ള ( 179 ദിവസം) കൂടിക്കാഴ്ച ആഗസ്റ്റ് 21 വെള്ളിയാഴ്ച രാവിലെ 10 മണിക്ക് ദേവസ്വം ഓഫീസിൽ നടക്കും. യോഗ്യത MBBS ബിരുദം. താല്പര്യമുളള ഉദ്യോഗാർത്ഥികൾ ജാതി, വയസ്സ്, യോഗ്യത, പ്രവ്യത്തി പരിചയം, തിരിച്ചറിയൽ രേഖ എന്നിവ തെളിയിക്കുന്നതിനായുള്ള അസ്സൽരേഖകളും വെള്ളക്കടലാസ്സിൽ ബയോഡാറ്റയും, രേഖകളുടെ പകർപ്പും സഹിതം കൂടിക്കാഴ്ചയ്ക്ക് ഒരു മണിക്കൂർ മുൻപ് ഹാജരാകണം. സംവരണ വിഭാഗത്തിന് നിയമാനുസൃത വയസ്സിളവ് ഉണ്ടാകും. യോഗ്യതയുള്ളവർക്ക് കൂടിക്കാഴ്ചയിൽ പങ്കെടുക്കാം.പ്രായപരിധി01.01.2026 Read More…
മഴ തുടരുന്ന സാഹചര്യത്തിൽ വിദ്യാർത്ഥികളുടെ സുരക്ഷ മുൻനിർത്തി ഇന്ന് തൃശൂർ ജില്ലയിലെ വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചിരുന്നു. ഈ അവസരത്തിൽ വിദ്യാർത്ഥികൾ ജലാശയങ്ങളിൽ ഇറങ്ങരുത്. പുഴകൾ, തോടുകൾ, ക്വാറികൾ, വെള്ളക്കെട്ടുകൾ എന്നിവയ്ക്ക് സമീപത്തേക്ക് കുട്ടികൾ പോകരുത്.അത്യാവശ്യമല്ലാത്ത യാത്രകൾ ഒഴിവാക്കുക: ശക്തമായ മഴയുള്ള സമയങ്ങളിൽ അത്യാവശ്യമല്ലാത്ത യാത്രകൾ പൂർണ്ണമായും ഒഴിവാക്കുക.മണ്ണിടിച്ചിൽ, വെള്ളപ്പൊക്ക സാധ്യതയുള്ള താഴ്ന്ന പ്രദേശങ്ങളിൽ കഴിയുന്നവർ തദ്ദേശ ഭരണകൂടത്തിന്റെയോ ദുരന്തനിവാരണ സേനയുടെയോ നിർദ്ദേശങ്ങൾ കർശനമായി പാലിക്കേണ്ടതാണ്.
ഗുരുവായൂരിൽ സുഖ ക്ഷേത്രദർശനത്തിനായി തുടങ്ങിയ വെർച്വൽ ക്യൂ ദർശനം വഴി ആദ്യ രണ്ടു ദിനത്തിൽ മൂവായിരത്തിലേറെ ഭക്തർ ദർശനം നേടി. 4800 ഭക്തർ ഓൺ ലൈൻ വഴി ദർശനം ബുക്ക് ചെയ്തിരുന്നു. പരീക്ഷണടിസ്ഥാനത്തിൽ ഓഗസ്റ്റ് 4 ചൊവ്വാഴ്ച തുടങ്ങിയ വെർച്വൽ ക്യൂ വഴിയുള്ള ദർശനത്തിന് ഇന്നെത്തിയത് 1606 ഭക്തരാണ്. 2400 പേർ ബുക്ക് ചെയ്തിരുന്നു. ആദ്യ ദിനത്തിൽ 1482 ഭക്തർ വെർച്വൽ ക്യൂ സൗകര്യം പ്രയോജനപ്പെടുത്തി. മണിക്കൂറിൽ 300 ഭക്തരെന്ന കണക്കിൽ ചൊവ്വ, വ്യാഴം ദിവസങ്ങളിൽ ദിവസവും Read More…
അഷ്ടമിരോഹിണി ദിനത്തെ പ്രധാന വഴിപാടായ അപ്പം ഭക്തർക്ക് മുൻകൂർ ശീട്ടാക്കാം. അപ്പം അഡ്വാൻസ് ബുക്കിങ് തുടങ്ങി. അപ്പം ഒരു രശീതിന് 35 രൂപ പ്രകാരം ഓൺലൈനായും ക്ഷേത്രം അഡ്വാൻസ്. ബുക്കിങ്ങ് കൗണ്ടർ വഴിയും ഭക്തർക്ക് ശീട്ടാക്കാം. ഒരു വഴിപാടുകാരന് പരമാവധി 20 എണ്ണം ശീട്ടാക്കാം. അഷ്ടമിരോഹിണിയുടെ തലേന്നാൾ (സെപ്റ്റംബർ 3) ക്ഷേത്രം കൗണ്ടർ വഴി ഒരാൾക്ക് അപ്പം വഴിപാട് 10 ശീട്ടാക്കി നിജപ്പെടുത്തിയിട്ടുണ്ട്.
വീട്ടമ്മക്ക് വിധി പ്രകാരം നിക്ഷേപ സംഖ്യയും നഷ്ടവും നൽകാതിരുന്നതിനെത്തുടർന്ന് ഫയൽ ചെയ്ത ഹർജിയിൽ വാറണ്ട് അയക്കുവാൻ ഉത്തരവ്.തൃശൂർ മാങ്ങാട്ടുകര സ്വദേശിനി ആറ്റുപുറത്തു് വീട്ടിൽ വസന്തലക്ഷ്മി ഫയൽ ചെയ്ത ഹർജിയിലാണ് തൃശൂർ വെസ്റ്റ് ഫോർട്ടിലെ ബ്ലൂ ഹെഡ്ജ് ഫിനാൻസ് എൻ്റ് ഗോൾഡ് ലോണിനെ പ്രതിനിധീകരിച്ച് മാനേജിങ്ങ് ഡയറക്ടർക്കെതിരെ വാറണ്ട് അയക്കുവാൻ ഉത്തരവായത്. വസന്തലക്ഷ്മി നിക്ഷേപ സംഖ്യ തിരിച്ചു ലഭിക്കാതിരുന്നതിനെത്തുടർന്ന് ഫയൽ ചെയ്ത ഹർജിയിൽ 100000 രൂപയും 9% പലിശയും നഷ്ടപരിഹാരമായി 10000 രൂപയും നൽകുവാൻ വിധിയുണ്ടായിരുന്നു. എന്നാൽ വിധി Read More…
പി എസ് സി അട്ടിമറിയിൽ പ്രതിഷേധിച്ച് തൃശ്ശൂർ കലക്ടറേറ്റിലേക്ക് നടത്തിയ മാർച്ചിൽ പോലീസ് അതിക്രമം. യുവമോർച്ച തൃശ്ശൂർ നോർത്ത് ജില്ലാ പ്രസിഡന്റ് കാളിദാസ്, തൃശ്ശൂർ സിറ്റി ജില്ലാ പ്രസിഡന്റ് മനു പള്ളത്ത്, തൃശ്ശൂർ സൗത്ത് ജില്ലാ വൈസ് പ്രസിഡന്റ് ആശിഷ, തൃശ്ശൂർ ജില്ലാ കമ്മിറ്റി അംഗങ്ങളായ ഹരിത, ശിവൻ, ആളൂർ മണ്ഡലം ജനറൽ സെക്രട്ടറി അശ്വന്ത്, കാട്ടൂർ പഞ്ചായത്ത് സെക്രട്ടറി ആദിത്യ എന്നിവർക്ക് പരിക്കേറ്റു.