Tag: RAJEEV CHANDRA SEKHAR

തൃശ്ശൂർ മുണ്ടത്തിക്കോട് വെടിക്കെട്ട് അപകടം നടന്ന സ്ഥലം സന്ദർശിച്ച് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ. വെടിക്കെട്ട് അപകടം നടന്ന സ്ഥലത്തെയും ആശുപത്രിയിലെയും കാഴ്ചകൾ കരളലിയിക്കുന്നതാണെന്ന് രാജീവ് ചന്ദ്രശേഖർ പറഞ്ഞു.അപകടത്തിൽ പരിക്കേറ്റവരെ നേരിൽ കണ്ട് ബി.ജെ.പി/എൻ.ഡി.എ സഖ്യത്തിൻ്റെ എല്ലാവിധ പിന്തുണയും അദ്ദേഹം ഉറപ്പു നൽകി. ദുരന്തബാധിതരുടെ കുടുംബങ്ങൾക്ക് പ്രധാനമന്ത്രി നരേന്ദ്രമോദി പ്രഖ്യാപിച്ച ധനസഹായം കാലതാമസമില്ലാതെ എത്രയും വേഗം ലഭ്യമാക്കുന്ന കാര്യം തങ്ങൾ ഉറപ്പാക്കുമെന്നും അദ്ദേഹം ഉറപ്പ് നൽകി. ദുരന്തത്തിൽപ്പെട്ട എല്ലാവർക്കും വേണ്ടി പ്രാർത്ഥിക്കുന്നു എന്നും അദ്ദേഹം പറഞ്ഞു.