ഇന്ത്യൻ ഭരണഘടനയിൽ ഭരണസംവിധാനം, സംസ്ഥാനങ്ങളുടെ അതിർത്തികൾ, ഭാഷകൾ, അധികാരവിതരണം, തദ്ദേശസ്വയംഭരണം തുടങ്ങിയ വിവിധ വിഷയങ്ങൾ പ്രതിപാദിക്കുന്ന 12 പട്ടികകളുണ്ട്. ഒന്നാം പട്ടികയിൽ സംസ്ഥാനങ്ങളുടെയും കേന്ദ്രഭരണ പ്രദേശങ്ങളുടെയും പേരുകളും അതിർത്തികളും ഉൾപ്പെടുന്നു. രണ്ടാം പട്ടികയിൽ വിവിധ ഭരണഘടനാ പദവികളിലുള്ളവരുടെ ശമ്പളം, അലവൻസുകൾ, ആനുകൂല്യങ്ങൾ എന്നിവയും മൂന്നാം പട്ടികയിൽ സത്യപ്രതിജ്ഞകളുടെയും പ്രതിജ്ഞകളുടെയും രൂപങ്ങളും പ്രതിപാദിക്കുന്നു. നാലാം പട്ടിക രാജ്യസഭയിലെ സീറ്റുകളുടെ സംസ്ഥാന-കേന്ദ്രഭരണ പ്രദേശ അടിസ്ഥാനത്തിലുള്ള വിഭജനം വ്യക്തമാക്കുന്നു. അഞ്ചും ആറും പട്ടികകൾ പ്രദേശങ്ങളുടെയും ആദിവാസി മേഖലകളുടെയും ഭരണവുമായി ബന്ധപ്പെട്ടതാണ്. കേന്ദ്രവും Read More…
