ചൈനയിലെ ഷാൻഷി പ്രവിശ്യയിൽ ഉണ്ടായ ഖനി അപകടത്തിൽ 82 പേർ മരിച്ചു. രണ്ട് പേരെ ഇതുവരെ കണ്ടെത്താനായിട്ടില്ല. മരണ സംഖ്യ ഉയരുമെന്നാണ് ലഭിക്കുന്ന വിവരം. ദുരന്തത്തിൽ ഇന്ത്യൻ പ്രധാനമന്ത്രി നരേന്ദ്രമോദി അനുശോചനം രേഖപ്പെടുത്തി. സമൂഹമാധ്യമമായ എക്സിൽ പങ്കുവെച്ച സന്ദേശത്തിലൂടെ ഷി ജിൻപിങ്ങിനും ചൈനീസ് ജനങ്ങൾക്കും ഇന്ത്യയുടെ പേരിൽ പ്രധാനമന്ത്രി അനുശോചനം അറിയിച്ചു. ദുരന്തത്തിൽ മരിച്ചവരുടെ കുടുംബങ്ങൾക്ക് ശക്തി ലഭിക്കട്ടെയെന്ന് പ്രാർത്ഥിച്ച മോദി, കാണാതായവരെ വേഗത്തിൽ സുരക്ഷിതമായി കണ്ടെത്താനാകട്ടെയെന്നും പ്രത്യാശ പ്രകടിപ്പിച്ചു.
