കർണാടകയിലെ ഷിരൂരിൽ ഉണ്ടായ ഭീകരമായ മണ്ണിടിച്ചിലിൽ കാണാതായവരെ തേടിയുള്ള തിരച്ചിൽ തുടരുകയാണ്. ദുരന്തത്തിൽപ്പെട്ട കോഴിക്കോട് സ്വദേശിയായ അർജുന്റെ മൃതദേഹം 72 ദിവസങ്ങൾക്ക് ശേഷം കണ്ടെത്തിയിട്ടുണ്ട്. എന്നാൽ, കർണാടക സ്വദേശികളായ ലോകേഷ്, ജഗന്നാഥൻ എന്നിവരെ ഇതുവരെ കണ്ടെത്താനായിട്ടില്ല. അർജുന്റെ ലോറി ഗംഗാവലി പുഴയിൽ നിന്ന് പൂർണമായും പുറത്തെടുത്തപ്പോഴാണ് മൃതദേഹം കണ്ടെത്തിയത്. ലോറിയുടെ ക്യാബിനിൽ നിന്നാണ് മൃതദേഹം ലഭിച്ചത്. പുഴയിലെ വെള്ളം വറ്റിയതിനാലാണ് ലോറി പുറത്തെടുക്കാൻ സാധിച്ചത്.
