പാലക്കാട്: കണക്കില്‍പ്പെടാത്ത 1.90 ലക്ഷം രൂപ കണ്ടെടുത്തതിന് പിന്നാലെ മോട്ടോര് വാഹന വകുപ്പ് ഉദ്യോഗസ്ഥനും നടനുമായ കെ മണികണ്ഠനു സസ്പെൻഷൻ. ഒക്ടോബര് 29ന് ഒറ്റപ്പാലത്തെ വാടക വീട്ടില് നടത്തിയ വിജിലൻസ് പരിശോധനയിലാണ് ഇയാളുടെ പക്കല് നിന്ന് പണം പിടിച്ചെടുത്തത്. വരുമാനത്തിന്റെ പുറത്തുള്ള സ്വത്ത് സമ്പാദനം സംബന്ധിച്ച കേസിൽ, കോഴിക്കോട്ടെ വിജിലൻസ് സ്പെഷ്യൽ സെല്ല് എഫ്ഐആർ രജിസ്റ്റർ ചെയ്തതിനു ശേഷമാണ് റെയ്ഡ് നടത്തിയത്. മണികണ്ഠന്‍റെ വാടക വീട്ടിൽ നിന്ന് പണത്തിന് പുറമേ മൊബൈൽ ഫോണുകളും ചില രേഖകളും കസ്റ്റഡിയിലെടുത്തിരുന്നു. Read More…
