ഈ വർഷത്തെ തെക്കുപടിഞ്ഞാറൻ മൺസൂൺ കാലത്ത് രാജ്യത്ത് ദീർഘകാല ശരാശരി മഴയുടെ (ലോങ് പീരിയഡ് ആവറേജ്- എൽപിഎ) 90 ശതമാനം മാത്രം മഴ ലഭിക്കാനിടയുള്ളൂ എന്ന് ഇന്ത്യൻ കാലാവസ്ഥാ വകുപ്പ് (ഐഎംഡി) അറിയിച്ചു.
വെള്ളിയാഴ്ച പുറത്തിറക്കിയ തെക്കുപടിഞ്ഞാറൻ മൺസൂണിന്റെ രണ്ടാം പ്രവചനത്തിലാണ് ഐഎംഡി ഈ വിലയിരുത്തൽ നടത്തിയത്.
മൺസൂൺ കാലത്ത് വടക്കുകിഴക്കൻ സംസ്ഥാനങ്ങളിൽ സാധാരണ തോതിലുള്ള മഴ ലഭിക്കുമെന്നാണ് പ്രതീക്ഷിക്കുന്നത്. എന്നാൽ രാജ്യത്തിന്റെ മറ്റു ഭാഗങ്ങളിൽ സാധാരണയിൽ താഴെയുള്ള മഴ മാത്രമേ ലഭിക്കൂ എന്ന് കേന്ദ്ര കാലാവസ്ഥ വകുപ്പ് വ്യക്തമാക്കി.
കൃഷിയെയും ജലസ്രോതസുകളെയും നേരിട്ട് ബാധിക്കുന്ന മൺസൂൺ സാഹചര്യങ്ങൾ രാജ്യത്ത് നിർണായകമായതിനാൽ, ഐഎംഡിയുടെ പുതിയ പ്രവചനം വലിയ ശ്രദ്ധ നേടുന്നുണ്ട്.
