ഇന്ത്യൻ ജനാധിപത്യത്തിന് എല്ലാ ശബ്ദങ്ങളെയും വികാരങ്ങളെയും ഉൾക്കൊള്ളാ നുള്ള ശേഷിയുണ്ടെന്ന് രാഷ്ട്രീയ സ്വയംസേവക് സംഘത്തിൻ്റെ അഖില ഭാരതീയ പ്രചാർ പ്രമുഖ് സുനിൽ അംബേക്കർ. “കോക്രോച്ച് ജനത പാർട്ടി” (CJP) എന്ന പുതിയ രാഷ്ട്രീയ പ്രതിഭാസത്തെക്കുറിച്ചുള്ള ചോദ്യത്തിന് പ്രതികരിച്ച് മറുപടി നൽകുകയായിരുന്നു അദ്ദേഹം.
ഇന്ത്യയിലെ യുവതലമുറയ്ക്ക്, പ്രത്യേകിച്ച് “ജനറേഷൻ Z” വിഭാഗത്തിന്, രാജ്യത്തിൻ്റെ ജനാധിപത്യ സംവിധാനത്തിൽ വിശ്വാസമുണ്ടെന്നും അദ്ദേഹം അഭിപ്രായപ്പെട്ടു.
ഇന്ത്യ ജനാധിപത്യ പ്രക്രിയകൾ പിന്തുടരുന്ന രാജ്യമാണെന്നും, സുതാര്യമായ തിരഞ്ഞെടുപ്പുകളും സ്വതന്ത്ര മാധ്യമ സംവിധാനവും, സാമൂഹിക മാധ്യമങ്ങൾ ഉൾപ്പെടെയുള്ള തുറന്ന ആശയവിനിമയ വേദികളും രാജ്യത്തുണ്ടെന്നും അംബേക്കർ ചൂണ്ടിക്കാട്ടി.
വെള്ളിയാഴ്ച നാഗ്പൂരിൽ മാധ്യമപ്രവർത്തകരുമായി നടത്തിയ സംവാദത്തിനിടെയായിരുന്നു അദ്ദേഹം ഇക്കാര്യം വ്യക്തമാക്കിയത്.
