എറണാകുളം: മണ്ഡല കാലത്തിന്റെ ഭാഗമായി കേരള ഖാദി ഗ്രാമ വ്യവസായ ബോർഡ് ഖാദി തുണിത്തരങ്ങൾക്കു 20% മുതൽ 30% വരെ പ്രത്യേക റിബേറ്റ് പ്രഖ്യാപിച്ചു. നവംബർ 9 മുതൽ 16 വരെ ഈ ആനുകൂല്യം ലഭിക്കും. എറണാകുളം ജില്ലയിൽ ഖാദി ബോർഡിന്റെ അംഗീകൃത വിൽപ്പനശാലകൾ, ഖാദി ഗ്രാമസൗഭാഗ്യ കലൂർ, നോർത്ത് പറവൂർ, പെരുമ്പാവൂർ, കാക്കനാട്, കൂത്താട്ടുകുളം, മൂവാറ്റുപുഴ, പായിപ്ര, മലയിടം തുരുത്ത്, മൂക്കന്നൂർ, ശ്രീമൂലനഗരം എന്നിവിടങ്ങളിൽ റിബേറ്റ് ലഭ്യമാക്കും.
