ഗുരുവായൂർ ക്ഷേത്രത്തിൽ 2026 മാർച്ച് മാസത്തെ ഭണ്ഡാരം എണ്ണൽ മാർച്ച് 21ന് വൈകിട്ട് പൂർത്തിയായപ്പോൾ ലഭിച്ചത് 5,79,94,024 രൂപ. 1കിലോ 282ഗ്രാം സ്വർണ്ണവും ലഭിച്ചുട്ടുണ്ട്. 15 കിലോ 410 ഗ്രാം വെള്ളിയും ലഭിച്ചു.
കേന്ദ്ര സർക്കാർ പിൻവലിച്ച രണ്ടായിരം രൂപയുടെ 8 നോട്ടുകളും നിരോധിച്ച ആയിരം രൂപയുടെ 3 നോട്ടുകളും, അഞ്ഞൂറിൻ്റെ 20 നോട്ടുകളും ലഭിച്ചു. സൗത്ത് ഇന്ത്യൻ ബാങ്ക് ഗുരുവായൂർ ശാഖയ്ക്കായിരുന്നു എണ്ണൽ ചുമതല.
കിഴക്കേ നട എസ്.ബി.ഐ ഇ ഭണ്ഡാരം വഴി 2,00,246 രൂപയും, കിഴക്കേ നട പഞ്ചാബ് നാഷണൽ ബാങ്ക് ഇ ഭണ്ഡാരം വഴി 65,839 രൂപയും, പടിഞ്ഞാറെ നടയിലെ യുബിഐ ഇ ഭണ്ഡാരം വഴി 71,157രൂപയും, ഇന്ത്യൻ ബാങ്ക് ഇ ഭണ്ഡാരം വഴി 6,162 രൂപയും, ഐസിഐസിഐ ഇ ഭണ്ഡാരം വഴി 41,224 രൂപയും, ധനലക്ഷ്മി ബാങ്ക് ഇ ഭണ്ഡാരം വഴി 1,21,497രൂപയും ലഭിച്ചു.
