സക്തി (ഛത്തീസ്ഗഢ്): വേദാന്ത പവർ പ്ലാൻ്റിൽ ഉണ്ടായ സ്ഫോടനത്തിൽ 20 തൊഴിലാളികൾ മരിച്ച സംഭവത്തിൽ പ്ലാൻ്റ് മാനേജ്മെൻ്റ് ഉദ്യോഗസ്ഥർക്കെതിരെ പൊലീസ് എഫ്ഐആർ രജിസ്റ്റർ ചെയ്തു.
ഏപ്രിൽ 14-നാണ് സിംഗിതരായ് ഗ്രാമത്തിലുള്ള പ്ലാൻ്റിൽ അപകടം സംഭവിച്ചത്. ബോയിലറിൽ നിന്ന് ടർബൈനിലേക്ക് ഉയർന്ന മർദ്ദത്തിലുള്ള ആവി കൊണ്ടുപോകുന്ന സ്റ്റീൽ പൈപ്പ് പൊട്ടിത്തെറിച്ചതാണ് സ്ഫോടനത്തിന് കാരണമായതെന്ന് അധികൃതർ അറിയിച്ചു.
സംഭവത്തിൽ 20 പേർ മരിച്ചു. 16 തൊഴിലാളികൾക്ക് ഗുരുതരമായി പൊള്ളലേറ്റ് ചികിത്സയിലാണ്.
അപകടത്തിൻ്റെ യഥാർത്ഥ കാരണം എന്തെന്നറിയാനും ഉത്തരവാദികളെ കണ്ടെത്താനും പൊലീസ് അന്വേഷണം ആരംഭിച്ചിട്ടുണ്ട്.
