സ്കോപ്ജെ: രാഷ്ട്രപതി ദ്രൗപദി മുര്മുവും നോര്ത്ത് മസിഡോണിയ പ്രസിഡൻ്റ് ഗോര്ഡാന സില്ജാനോവ്സ്ക-ഡാവ്കോവയും ചേര്ന്ന് സ്കോപ്ജെയിലെ സിറ്റി മ്യൂസിയത്തില് മഹാത്മാ ഗാന്ധിയുടെ അര്ധപ്രതിമ അനാച്ഛാദനം ചെയ്തു.
സമ്മേളനത്തെ അഭിസംബോധന ചെയ്ത രാഷ്ട്രപതി, സത്യത്തിൻ്റെയും അഹിംസയുടെയും ഗാന്ധിജിയുടെ സന്ദേശം മനുഷ്യരാശിക്കാകെയുള്ളതാണെന്നും സംഘര്ഷങ്ങളും അസഹിഷ്ണുതയും വര്ധിക്കുന്ന ഇന്നത്തെ ലോകത്ത് അദ്ദേഹത്തിൻ്റെ ആശയങ്ങള്ക്ക് കൂടുതല് പ്രസക്തിയുണ്ടെന്നും പറഞ്ഞു. ഇന്ത്യയും നോര്ത്ത് മസിഡോണിയയും തമ്മിലുള്ള സൗഹൃദത്തിൻ്റെയും സമാധാനം, സഹിഷ്ണുത, മാനവികത എന്നിവയോടുള്ള ഇരുരാജ്യങ്ങളുടെയും പ്രതിബദ്ധതയുടെയും പ്രതീകമാണ് ഈ പ്രതിമയെന്നും അവർ കൂട്ടിച്ചേർത്തു.
ചടങ്ങിന് മുമ്പായി രാഷ്ട്രപതി മുര്മുവും പ്രസിഡൻ്റ് ഗോര്ഡാന സില്ജാനോവ്സ്ക-ഡാവ്കോവയും സ്കോപ്ജെയിലെ മദര് തെരേസ സ്മാരകം സന്ദര്ശിച്ചു. ജൂലൈ 23ന് മൂന്ന് രാജ്യങ്ങളിലേക്കുള്ള സന്ദര്ശനത്തിൻ്റെ അവസാനഘട്ടമായി രാഷ്ട്രപതി റൊമാനിയയുടെ തലസ്ഥാനമായ ബുഖാറസ്റ്റിലേക്ക് യാത്രതിരിക്കും.
