ന്യൂഡൽഹി: ഉപരാഷ്ട്രപതി സി. പി. രാധാകൃഷ്ണൻ ഓഗസ്റ്റ് 8, 9 തീയതികളിൽ രണ്ടുദിവസത്തെ ആൻഡമാൻ-നിക്കോബാർ ദ്വീപ് സന്ദർശനം നടത്തും. ഇന്ത്യയുടെ സ്വാതന്ത്ര്യസമരവുമായി ബന്ധപ്പെട്ട വിവിധ അനുസ്മരണ പരിപാടികളിലും ‘ഹർ ഘർ തിരംഗ’ ക്യാമ്പെയ്നുമായി ബന്ധപ്പെട്ട ചടങ്ങുകളിലും അദ്ദേഹം പങ്കെടുക്കും.
ഓഗസ്റ്റ് 8-ന്, ശ്രീ വിജയപുരത്തെ സെല്ലുലാർ ജയിൽ ദേശീയ സ്മാരകം സന്ദർശിക്കുന്ന ഉപരാഷ്ട്രപതി, രക്തസാക്ഷി സ്മാരകത്തിൽ പുഷ്പാർച്ചന നടത്തുകയും സ്വാതന്ത്ര്യ ജ്യോതിയിൽ ആദരാഞ്ജലി അർപ്പിക്കുകയും വീര സവർക്കറുടെ തടവറ സന്ദർശിക്കുകയും ചെയ്യും. തുടർന്ന് ഇന്ത്യയുടെ സ്വാതന്ത്ര്യസമരത്തിൻ്റെയും സ്വാതന്ത്ര്യസേനാനികളുടെ ത്യാഗത്തിൻ്റെയും ചരിത്രം അവതരിപ്പിക്കുന്ന ലൈറ്റ് ആൻഡ് സൗണ്ട് ഷോയും അദ്ദേഹം കാണും.
ഓഗസ്റ്റ് 9-ന്, ശ്രീ വിജയപുരത്തെ ഫ്ലാഗ് പോയിൻ്റിൽ ദേശീയപതാക ഉയർത്തി ‘ഹർ ഘർ തിരംഗ അഭിയാൻ’ പരിപാടിയിൽ ഉപരാഷ്ട്രപതി പങ്കെടുക്കും. തുടർന്ന് ഡോ. ബി. ആർ. അംബേദ്കർ ഇൻസ്റ്റിറ്റ്യൂട്ട് ഓഫ് ടെക്നോളജി (DBRAIT) ഓഡിറ്റോറിയത്തിൽ നടക്കുന്ന ‘വന്ദേ മാതരം’ തിരംഗ കോൺസെർട്ട് സംസ്ഥാനതല ചടങ്ങിൽ അദ്ദേഹം പങ്കെടുക്കും.
ഉച്ചയ്ക്ക് ശേഷം ഇന്ത്യയുടെ സ്വാതന്ത്ര്യസമര ചരിത്രവുമായി ബന്ധപ്പെട്ട സുപ്രധാന പൈതൃക കേന്ദ്രമായ നേതാജി സുഭാഷ് ചന്ദ്രബോസ് ദ്വീപും ഉപരാഷ്ട്രപതി സന്ദർശിക്കും.
