ന്യൂഡൽഹി: ഉസ്ബെക്കിസ്ഥാൻ സന്ദർശനത്തിന് മുന്നോടിയായി രാജ്യത്തെ യുവാക്കൾ പ്രകടിപ്പിച്ച ആവേശത്തിൽ സന്തോഷം പങ്കുവെച്ച് പ്രധാനമന്ത്രി നരേന്ദ്ര മോദി. യുവാക്കളുടെ ആവേശപ്രകടനത്തിൻ്റെ വീഡിയോ എക്സിൽ പങ്കുവെച്ചാണ് പ്രധാനമന്ത്രി പ്രതികരിച്ചത്.
യുവാക്കൾ ഹിന്ദിയിൽ മനോഹരമായി തങ്ങളുടെ വികാരങ്ങൾ പ്രകടിപ്പിച്ചതിൽ ഏറെ സന്തോഷമുണ്ടെന്ന് മോദി പറഞ്ഞു.
“ഉസ്ബെക്കിസ്ഥാൻ സന്ദർശനം ആരംഭിക്കാനിരിക്കെ, എൻ്റെ യുവ സുഹൃത്തുക്കൾ ഈ വീഡിയോയിലൂടെ പ്രകടിപ്പിച്ച ആവേശം കാണുന്നതിൽ ഏറെ സന്തോഷമുണ്ട്. അവർ ഹിന്ദിയിലത് വളരെ മനോഹരമായി അവതരിപ്പിച്ചു. ഇത് കൂടുതൽ സവിശേഷമാക്കുന്നു,” മോദി എക്സിൽ കുറിച്ചു.
ഓഗസ്റ്റ് 29 മുതൽ സെപ്റ്റംബർ 1 വരെയുള്ള രണ്ട് രാജ്യ സന്ദർശനത്തിൻ്റെ ഭാഗമായാണ് പ്രധാനമന്ത്രി ഉസ്ബെക്കിസ്ഥാൻ സന്ദർശിക്കുന്നത്. രാജ്യങ്ങളുമായുള്ള ഇന്ത്യയുടെ ബന്ധം കൂടുതൽ ശക്തിപ്പെടുത്തുന്നതിന് സന്ദർശനം വഴിയൊരുക്കുമെന്നാണ് പ്രതീക്ഷ.
