തിരുവനന്തപുരം: ഹൃദയാഘാതത്തെ തുടര്ന്ന് തിങ്കളാഴ്ച ആശുപത്രിയില് പ്രവേശിപ്പിക്കപ്പെട്ട മുന് മുഖ്യമന്ത്രി വി.എസ്. അച്യുതാനന്ദന്റെ ആരോഗ്യനിലയില് മാറ്റമില്ലെന്ന് മെഡിക്കല് ബുള്ളറ്റിന്. തീവ്രപരിചരണ വിഭാഗത്തില് തുടരുന്ന വിഎസിന്റെ ശ്വസനവും ഹൃദയമിടിപ്പും, രക്തസമ്മര്ദവും, വൃക്കകളുടെ പ്രവര്ത്തനവും ജീവന് രക്ഷാ ഉപകരണങ്ങളുടെ സഹായത്തോടെ സാധാരണ നിലയിലാക്കാനുള്ള ശ്രമം വിദഗ്ധ ഡോക്ടര്മാരുടെ നേതൃത്വത്തില് തുടരുകയാണ്.
‘പട്ടം എസ് യുടി ആശുപത്രിയിലെ തീവ്രപരിചരവിഭാഗത്തില് പ്രവേശിപ്പിക്കപ്പെട്ട മുന് മുഖ്യമന്ത്രി വിഎസ് അച്യുതാനന്ദന്റെ നില മാറ്റമില്ലാതെ തുടരുന്നു. വിവിധ ജീവന്രക്ഷാ ഉപകരണങ്ങളുടെ സഹായത്തോടെ അദ്ദേഹത്തിന്റെ ശ്വസനവും രക്തസമ്മര്ദവും വൃക്കകളുടെ പ്രവര്ത്തനവും സാധാരണ നിലയിലാക്കാന് വിദഗ്ധ ഡോക്ടര്മാര് അടങ്ങിയ മെഡിക്കല് സംഘം ശ്രമിച്ചുവരുന്നു’ – മെഡിക്കല് ബുള്ളറ്റിനില് പറയുന്നു.
കഴിഞ്ഞ ദിവസങ്ങളില് മുഖ്യമന്ത്രി പിണറായി വിജയന് ഉള്പ്പടെ രാഷ്ട്രീയ രംഗത്തുള്ള നിരവധി ആളുകള് ആശുപത്രിയില് എത്തി വിഎസിന്റെ കുടുംബാംഗങ്ങളുമായും ഡോക്ടര്മാരുമായും ആശയവിനിമയം നടത്തിയിരുന്നു. കഴിഞ്ഞ തിങ്കളാഴ്ചയാണ് ഹൃദയാഘാതത്തെ തുടര്ന്ന് വിഎസ് അച്യുതാനന്ദനെ ആശുപത്രിയില് പ്രവേശിപ്പിച്ചത്.
