കോഴിക്കോട്: അധ്യാപക ദിനത്തിൽ ഐഐഎം കോഴിക്കോട് ക്ലാസ് മുറിയിലെത്തിയ അനുഭവം പങ്കിട്ട് കേരള മുഖ്യമന്ത്രി വി.ഡി. സതീശൻ. 20 അംഗ മന്ത്രിസഭയോടൊപ്പമാണ് മുഖ്യമന്ത്രി രണ്ട് ദിവസത്തെ നേതൃത്വ പരിശീലന പരിപാടിയിൽ പങ്കെടുത്തത്. ‘റീഇമാജിനിംഗ് കേരള’ എന്ന പ്രമേയത്തിൽ സെപ്റ്റംബർ 4, 5 തീയതികളിലായിരുന്നു പരിപാടി. വർഷങ്ങൾക്കുശേഷം മുഖ്യമന്ത്രിയും മന്ത്രിമാരും കോഴിക്കോട് ഐഐഎമ്മിൽ വിദ്യാർത്ഥികളായി ക്ലാസിലിരുന്നുവെന്ന് സതീശൻ ഫേസ്ബുക്ക് വീഡിയോ സന്ദേശത്തിൽ പറഞ്ഞു. “അക്ഷരാർത്ഥത്തിൽ ഞങ്ങൾ വിദ്യാർത്ഥികളായി,” അദ്ദേഹം പറഞ്ഞു.
