മുൻ പ്രധാനമന്ത്രി ജവഹർലാൽ നെഹ്റുവിൻ്റെ ചരമവാർഷിക ദിനത്തിൽ പ്രധാനമന്ത്രി നരേന്ദ്ര മോദി ആദരാഞ്ജലി അർപ്പിച്ചു. സമൂഹമാധ്യമമായ എക്സിൽ പങ്കുവെച്ച സന്ദേശത്തിലാണ് പ്രധാനമന്ത്രി നെഹ്റുവിനെ അനുസ്മരിച്ചത്. “മുൻ പ്രധാനമന്ത്രി പണ്ഡിറ്റ് ജവഹർലാൽ നെഹ്റുവിൻ്റെ ചരമവാർഷികത്തിൽ ആദരാഞ്ജലി അർപ്പിക്കുന്നു,” എന്നാണ് മോദി കുറിച്ചത്. സ്വാതന്ത്ര്യാനന്തര ഇന്ത്യയുടെ രൂപീകരണത്തിൽ നിർണായക പങ്കുവഹിച്ച നേതാവായിരുന്നു ജവഹർലാൽ നെഹ്റു. 1947 മുതൽ 1964 വരെ അദ്ദേഹം ഇന്ത്യയുടെ ആദ്യ പ്രധാനമന്ത്രിയായി സേവനമനുഷ്ഠിച്ചു.
