ന്യൂഡൽഹി: കൊളംബിയൻ പ്രസിഡൻ്റ് തിരഞ്ഞെടുപ്പിൽ വിജയിച്ച അബെലാർഡോ ഡി ലാ എസ്പ്രിയയ്ക്ക് അഭിനന്ദനങ്ങൾ നേർന്ന് പ്രധാനമന്ത്രി നരേന്ദ്ര മോദി. ഇരു രാജ്യങ്ങളും തമ്മിലുള്ള സൗഹൃദബന്ധം കൂടുതൽ ശക്തിപ്പെടുത്തുന്നതിനായി ഒരുമിച്ച് പ്രവർത്തിക്കുമെന്ന പ്രതീക്ഷയും അദ്ദേഹം പങ്കുവെച്ചു.
ഇന്ത്യയും കൊളംബിയയും തമ്മിലുള്ള സൗഹൃദബന്ധം എല്ലാ മേഖലകളിലും ശക്തിപ്പെട്ടുവരുകയാണെന്ന് പ്രധാനമന്ത്രി സമൂഹമാധ്യമമായ എക്സിൽ കുറിച്ചു.
“കൊളംബിയൻ പ്രസിഡൻ്റ് തിരഞ്ഞെടുപ്പിൽ നേടിയ വിജയത്തിന് അബെലാർഡോ ഡി ലാ എസ്പ്രിയയ്ക്ക് ഹൃദയം നിറഞ്ഞ അഭിനന്ദനങ്ങൾ. എല്ലാ മേഖലകളിലും വളർന്നുവരുന്ന ഇന്ത്യ-കൊളംബിയ സൗഹൃദബന്ധത്തിന് ഇന്ത്യ വലിയ പ്രാധാന്യം നൽകുന്നു. താങ്കളുടെ ഭരണകാലം വിജയകരമാകട്ടെയെന്ന് ആശംസിക്കുന്നു. വരും വർഷങ്ങളിൽ ഇരു രാജ്യങ്ങളും തമ്മിലുള്ള ഉഭയകക്ഷി ബന്ധം കൂടുതൽ ശക്തിപ്പെടുത്താൻ ഒരുമിച്ച് പ്രവർത്തിക്കുമെന്ന് പ്രതീക്ഷിക്കുന്നു,” പ്രധാനമന്ത്രി എക്സിൽ കുറിച്ചു.
പുതിയ ഭരണകൂടവുമായി വിവിധ മേഖലകളിൽ സഹകരണം കൂടുതൽ വിപുലപ്പെടുത്താനും ഇന്ത്യ-കൊളംബിയ ഉഭയകക്ഷി ബന്ധം കൂടുതൽ ശക്തിപ്പെടുത്താനാണ് പ്രധാനമന്ത്രിയുടെ നീക്കം.
