അഷ്ടമിരോഹിണി സുദിനത്തിൽ ശ്രീകൃഷ്ണാവതാരം വരുന്ന രീതിയിൽ വർഷം തോറും നടത്തി വരുന്ന ഗുരുവായൂർ ദേവസ്വം അഷ്ടമിരോഹിണി ഭാഗവത സപ്താഹം ഇന്ന് തുടങ്ങി. ക്ഷേത്രം ആദ്ധ്യാത്മിക ഹാളിലാണ് സപ്താഹം. വൈകുന്നേരം 4.30 ന് ഭദ്രദീപം തെളിയിക്കൽ, ആചാര്യവരണം. തുടർന്ന് മാഹാത്മ്യപാരായണം. ദിവസവും രാവിലെ 5 മണി മുതൽ തുടങ്ങുന്ന പാരായണം 11 മണി മുതൽ പ്രഭാഷണവും ഉണ്ടാകും.
സപ്താഹം സെപ്റ്റംബർ 7 തിങ്കളാഴ്ച ഉച്ചയ്ക്ക് സമാപിക്കും.
ശ്രീ ഗുരുവായൂർ കേശവൻ നമ്പൂതിരി, ഡോ.വി.അച്ച്യുതൻ കുട്ടി, മേച്ചേരി ഗോവിന്ദൻ നമ്പൂതിരി, പൊന്നുടക്കം മണികണ്ഠൻ നമ്പൂതിരി, ശ്രീ മേച്ചേരി ഹരികൃഷ്ണൻ നമ്പൂതിരി , ശ്രീപുതുമന ഈശ്വരൻ നമ്പൂതിരി (പൂജകൻ) എന്നിവരാണ് യജ്ഞാചാര്യൻമാർ.
