തിരുവനന്തപുരം: സംസ്ഥാനത്ത് വ്യാഴാഴ്ച വരെ ഒറ്റപ്പെട്ടയിടങ്ങളില് ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥ വകുപ്പ് അറിയിച്ചു. ഇടിമിന്നലോടു കൂടിയ മഴയ്ക്കും മണിക്കൂറില് 30 മുതല് 40 കിലോമീറ്റര് വേഗതയില് കാറ്റിന് സാധ്യതയുള്ളതായും മുന്നറിയിപ്പില് പറയുന്നു. ജനങ്ങള് അതീവ ജാഗ്രത പാലിക്കണമെന്ന് അധികൃതര് ആവശ്യപ്പെട്ടു, കാരണം ഇടിമിന്നല് അപകടകാരിയാണ്.
അതേസമയം, പകല്ചൂട് തുടരുന്നതായും രാവിലെ 10 മുതല് ഉച്ചയ്ക്ക് 3 വരെയുള്ള സമയത്ത് ഉയര്ന്ന അള്ട്രാവയലറ്റ് (UV) സൂചിക രേഖപ്പെടുന്നുണ്ടെന്നും കാലാവസ്ഥ വകുപ്പ് വ്യക്തമാക്കി. ഈ സമയത്ത് നീണ്ടനേരം നേരിട്ട് സൂര്യപ്രകാശം എല്ക്കുന്നത് ഒഴിവാക്കണമെന്ന് ആരോഗ്യ വിദഗ്ധര് നിര്ദേശിക്കുന്നു.
ഉയർന്ന അള്ട്രാവയലറ്റ് കിരണങ്ങള് തുടർച്ചയായി ശരീരത്ത് പതിക്കുമ്പോള് സൂര്യാതപം, ത്വക്ക് രോഗങ്ങള്, കണ് രോഗങ്ങള് തുടങ്ങി വിവിധ ആരോഗ്യപ്രശ്നങ്ങള്ക്ക് സാധ്യതയുണ്ട്. അതിനാല് പകല് സമയത്ത് പുറത്തു പോകുമ്പോള് തൊപ്പി, കുട, സണ്ഗ്ലാസ് എന്നിവ ഉപയോഗിക്കുകയും, ശരീരം പൂര്ണമായും മറക്കുന്ന കോട്ടണ് വസ്ത്രങ്ങള് ധരിക്കുകയും ചെയ്യണമെന്ന് അധികൃതര് അറിയിച്ചു.
