ഷിമോഗ: രാഹുൽ ഗാന്ധിയുടെ ഭാരത് ജോഡോ യാത്രയുടെ രണ്ടാം പതിപ്പിന് കർണാടകയിൽ തുടക്കമായി. ആദ്യ ഭാരത് ജോഡോ യാത്രയുടെ നാലാം വാർഷികത്തോടനുബന്ധിച്ച് കർണാടക കോൺഗ്രസ് ‘ഭാരത് ജോഡോ യാത്ര 2.0’ എന്ന പേരിൽ 10 ദിവസത്തെ സംസ്ഥാനതല പ്രചാരണത്തിനാണ് തുടക്കമിട്ടിരിക്കുന്നത്.
ഷിമോഗ ജില്ലയിൽ നിന്ന് ആരംഭിച്ച യാത്ര, 2023ലെ നിയമസഭാ തിരഞ്ഞെടുപ്പിൽ കോൺഗ്രസ് പരാജയപ്പെട്ട 84 നിയമസഭാ മണ്ഡലങ്ങളിലൂടെ കടന്നുപോകും. പരാജയപ്പെട്ട മണ്ഡലങ്ങളിൽ പാർട്ടിയുടെ അടിത്തറ ശക്തിപ്പെടുത്തുകയും ജനങ്ങളുമായി നേരിട്ടുള്ള ആശയവിനിമയം വർധിപ്പിക്കുകയുമാണ് പ്രചാരണത്തിൻ്റെ ലക്ഷ്യം.
കർണാടക കോൺഗ്രസ് അധ്യക്ഷൻ ബി.കെ. ഹരിപ്രസാദ് ഉൾപ്പെടെയുള്ള നേതാക്കൾ പരിപാടിയിൽ പങ്കെടുത്തു. 2022 സെപ്റ്റംബർ 30നാണ് രാഹുൽ ഗാന്ധിയുടെ ഭാരത് ജോഡോ യാത്ര കർണാടകയിൽ പ്രവേശിച്ചത്.
10 ദിവസത്തെ പരിപാടിയുടെ ഭാഗമായി വിവിധ മണ്ഡലങ്ങളിൽ ജനസമ്പർക്ക പരിപാടികളും പാർട്ടി പ്രവർത്തനങ്ങളും സംഘടിപ്പിക്കും.
