ശ്രീഗുരുവായൂരപ്പൻ സ്റ്റേജ് ഭക്തർക്ക് സമർപ്പിക്കാനെത്തിയ ദേവസ്വം മന്ത്രിക്ക് ഉപഹാരമായി ശ്രീ ഗുരുവായൂരപ്പൻ്റെ ഫോട്ടോയും നിലവിളക്കും.ശ്രീഗുരുവായൂരപ്പൻ്റെ ഭക്തൻ കൂടിയായ മന്ത്രിയുടെ ഉദ്ഘാടന പ്രസംഗം കഴിഞ്ഞപ്പോഴാണ് ക്ഷേത്രം തന്ത്രിയും ദേവസ്വം ഭരണസമിതി അംഗവുമായ ബ്രഹ്മശ്രീ.പി.സി.ദിനേശൻ നമ്പൂതിരിപ്പാട് ഫോട്ടോ സമ്മാനിച്ചത്. ഉദ്ഘാടന ചടങ്ങ് പൂർത്തിയാകുന്ന വേളയിൽ ദേവസ്വം ചെയർമാൻ എ.വി.ഗോപിനാഥ് മന്ത്രിയെ ഷാളണിയിച്ചു. നിലവിളക്ക് ദേവസ്വത്തിൻ്റെ ഉപഹാരമായി നൽകി. ഗുരുവായൂർ ദേവസ്വത്തിൻ്റെ പ്രവർത്തനങ്ങൾക്ക് നൽകി വരുന്ന പൂർണ പിന്തുണയ്ക്ക് ദേവസ്വത്തിൻ്റെ സ്നേഹവും നന്ദിയും ചെയർമാൻ എ.വി.ഗോപിനാഥ് അധ്യക്ഷ പ്രസംഗത്തിൽ പ്രത്യേകം പരാമർശിച്ചിരുന്നു. Read More…
