കേരളത്തിന്റെ ഓണം ബംപർ ടിക്കറ്റ് വിൽപന 44 ലക്ഷത്തിലേക്ക്. ഒരു ആഴ്ചയിൽ മാത്രം 14 ലക്ഷത്തോളം ടിക്കറ്റുകൾ വിറ്റുതീർന്നു. വിൽപന തുടർന്നാൽ ഈ ആഴ്ചയ്ക്കുള്ളിൽ 50 ലക്ഷത്തിലെത്തുമെന്നാണു പ്രതീക്ഷ. 75.76 ലക്ഷം ടിക്കറ്റുകൾ വിറ്റ കഴിഞ്ഞവർഷത്തെ റെക്കോർഡ് ഇത്തവണ മറികടക്കുമെന്നാണ് കണക്കുകൾ. 25 കോടി രൂപയുടെ ഒന്നാം സമ്മാനമുള്ള ഈ ബംപറിൽ, 90 ലക്ഷം ടിക്കറ്റുകൾ വിറ്റഴിക്കുകയെന്നതാണ് ലോട്ടറി വകുപ്പിന്റെ ലക്ഷ്യം.
