കൊച്ചി: ആന എഴുന്നള്ളിപ്പുമായി ബന്ധപ്പെട്ട് ഹൈക്കോടതി കർശന മാർഗനിർദ്ദേശങ്ങൾ പുറത്തിറക്കി. സംസ്ഥാനത്തെ മതപരിപാടികളും ഉത്സവങ്ങളും ഉൾപ്പെടെ ആനകളെ ഉപയോഗിക്കുന്നതുമായി ബന്ധപ്പെട്ട ഈ നിർദ്ദേശങ്ങൾ സാമൂഹ്യസുരക്ഷയും ആനകളുടെ ആരോഗ്യം സംരക്ഷിക്കുകയും ലക്ഷ്യമാക്കി കൊണ്ടാണ്.
കൂടുതൽ പ്രധാന നിർദ്ദേശങ്ങൾ:
- ആനകളെ തുടർച്ചയായി 3 മണിക്കൂറിൽ കൂടുതൽ എഴുന്നള്ളിക്കരുത്.
- ഒരു ദിവസം 30 കിലോമീറ്ററിൽ കൂടുതൽ നടത്തരുത്.
- പൊതുവഴിയിൽ രാവിലെ 9 മണി മുതൽ വൈകുന്നേരം 5 മണി വരെയുള്ള സമയം മാത്രം ആനയെ ഉപയോഗിക്കാം; രാത്രി 10 മണി മുതൽ രാവിലെ 4 മണി വരെ ആനയെ കൊണ്ടുപോകരുത്.
- ആന എഴുന്നള്ളിക്കുന്നതിന് മുമ്പ് സംഘടനകൾ ആനയുടെ ആരോഗ്യ സർട്ടിഫിക്കറ്റ് അടക്കമുള്ള എല്ലാ രേഖകളും ഉറപ്പാക്കണം.
- വാഹനങ്ങളുടെ പരമാവധി വേഗം 25 കിലോമീറ്ററായിരിക്കണം; 125 കിലോമീറ്ററിന് കൂടുതൽ ദൂരം യാത്രാവിലക്ക്.
- ദിവസത്തിൽ 8 മണിക്കൂർ വിശ്രമം നിർബന്ധം.
- വെടിക്കെട്ട് നടത്തുന്ന സ്ഥലത്ത് നിന്ന് 100 മീറ്റർ അകലെയായിരിക്കണം ആനയെ നിർത്തേണ്ടത്.
കൂടാതെ, തണലില്ലാത്ത സ്ഥലത്ത് 10 മിനിറ്റിൽ കൂടുതൽ ആനയെ നിർത്തരുത് എന്നതടക്കമുള്ള നിർദ്ദേശങ്ങളും ഉൾപ്പെടുന്നു. ആനയുടെ സുരക്ഷയും, പൊതുജനങ്ങളുടെ സുരക്ഷയും മുന്‍നിര്‍ത്തി ജസ്റ്റിസ് എ. കെ. ജയശങ്കരന് നമ്പ്യാര്, ജസ്റ്റിസ് എ. ഗോപിനാഥ് എന്നിവരടങ്ങിയ ഡിവിഷന് ബെഞ്ചാണ് ഈ നിർദ്ദേശങ്ങൾ പുറത്തിറക്കിയത്.
