മുംബൈ: ഇന്നലെ തിരിച്ചുകയറിയ രൂപ ഇന്ന് വീണ്ടും ഇടിഞ്ഞു. വ്യാപാരത്തിന്റെ തുടക്കത്തില് 9 പൈസയുടെ നഷ്ടം അനുഭവപ്പെട്ടു. ഡോളര് ഒന്നിന് 87.16 ലേക്കാണ് രൂപ തകര്ന്നത്.
ആഗോള വ്യാപാര യുദ്ധത്തിലേക്ക് കളമൊരുക്കി അമേരിക്കയും ചൈനയും പരസ്പരം താരിഫ് ഏര്പ്പെടുത്തിയത് അടക്കമുള്ള ഘടകങ്ങളാണ് രൂപയെ സ്വാധീനിക്കുന്നത്. കഴിഞ്ഞദിവസം കാനഡയ്ക്കും മെക്സിക്കോയ്ക്കുമെതിരെ തീരുവ ഏര്പ്പെടുത്തുന്നത് ഒരു മാസത്തേയ്ക്ക് നീട്ടാന് അമേരിക്ക തീരുമാനിച്ചതിന് പിന്നാലെ രൂപ തിരിച്ചുകയറിയിരുന്നു. റെക്കോര്ഡ് താഴ്ചയില് നിന്ന് നാലുപൈസയുടെ നേട്ടത്തോടെ 87.07ലേക്കാണ് ഇന്നലെ രൂപ തിരിച്ചുകയറിയത്.
അതേസമയം, ഇന്ത്യയുടെ പ്രധാനമായ എണ്ണ എക്സ്പോർട്ട് ആയ ബ്രെൻഡ് ക്രൂഡിന്റെ വില കുറഞ്ഞു. ബാരലിന് 75.82 ഡോളർ എന്ന നിലയിലേക്ക് വില താഴ്ന്നു.
ഇന്നലെ ഓഹരി വിപണിയിൽ കണ്ട കുതിപ്പിന് ശേഷം, ഇന്ന് വിപണിയിൽ “സമ്മിശ്ര പ്രതികരണം” ആണ് കാണപ്പെടുന്നത്. ബിഎസ്ഇ സെൻസെക്സ്, ഇന്നലെ ആയിരത്തിലധികം പോയിന്റ് ഉയർന്നെങ്കിലും, ഇപ്പോൾ നഷ്ടത്തിലാണ്. റിലയൻസ്, ഏഷ്യൻ പെയിന്റ്സ്, സൺ ഫാർം തുടങ്ങിയ പ്രധാന ഓഹരികൾ നഷ്ടം നേരിട്ടു.
