തൃശൂർ: കോർപ്പറേഷൻ ഉടമസ്ഥതയിലുള്ള ബിനി ടൂറിസ്റ്റ് ഹോം എല്ലാ ചട്ടങ്ങളും ലംഘിച്ച് സ്വകാര്യ വ്യക്തിക്ക് കൈമാറുന്ന നടപടി നിർത്തിവെക്കണമെന്ന് ബിജെപി ജില്ല പ്രസിഡണ്ട് അഡ്വ.കെ.കെ.അനീഷ് കുമാർ പറഞ്ഞു. കരാറുകാരൻ ഇതുവരെ ബാങ്ക് ഗ്യാരണ്ടി കെട്ടി വച്ചിട്ടില്ല.കരാർ നിബന്ധനകൾ ലംഘിച്ച് കെട്ടിടത്തിൻ്റെ മതിലും ചുമരുകളും പൊളിച്ചുനീക്കി. കൗൺസിലിൻ്റെ ഭൂരിപക്ഷ തീരുമാനമില്ലാതെയാണ് കരാർ നടപ്പാക്കിയത്. നിയമം കാറ്റിൽ പറത്തി കോർപ്പറേഷൻ സ്വത്ത് സ്വകാര്യ വ്യക്തികൾക്ക് കൊള്ളയടിക്കാൻ വിട്ടു കൊടുക്കുകയാണെന്നും അനീഷ് കുമാർ ആരോപിച്ചു.
