ഡയറക്ടറേറ്റ് ഓഫ് റെവന്യൂ ഇൻ്റലിജൻസ് നടത്തിയ പരിശോധനയിൽ ഛത്രപതി ശിവജി മഹാരാജ് അന്താരാഷ്ട്രാ വിമാനത്താവളത്തിൽ നിന്ന് ₹11.25 കോടി വിലവരുന്ന 2.25 കിലോഗ്രാം കൊക്കെയ്ൻ പിടികൂടി. സംഭവവുമായി ബന്ധപ്പെട്ട് നാല് വിദേശ പൗരന്മാരെ അറസ്റ്റ് ചെയ്തതായി അധികൃതർ അറിയിച്ചു.
രഹസ്യ വിവരങ്ങളുടെ അടിസ്ഥാനത്തിൽ നടത്തിയ രണ്ട് വ്യത്യസ്ത ഓപ്പറേഷനുകളിലൂടെയാണ് മയക്കുമരുന്ന് പിടികൂടിയത്.
പ്രതികളെ വിമാനത്താവളത്തിൽ തടഞ്ഞുവെച്ച് വിശദമായ പരിശോധന നടത്തിയപ്പോഴാണ് കൊക്കെയ്ൻ കണ്ടെത്തിയത്. അന്തർദേശീയ മയക്കുമരുന്ന് കടത്ത് സംഘങ്ങളുമായുള്ള ബന്ധം ഉൾപ്പെടെ കേസിൽ കൂടുതൽ അന്വേഷണം പുരോഗമിക്കുകയാണെന്ന് ഉദ്യോഗസ്ഥർ അറിയിച്ചു.
