തമിഴ്നാട് മുഖ്യമന്ത്രി സി ജോസഫ് വിജയ് ഇന്ന് ന്യൂഡൽഹിയിൽ പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തും. സംസ്ഥാനവുമായി ബന്ധപ്പെട്ട വിവിധ വിഷയങ്ങളാണ് ചർച്ച ചെയ്യുക.
തമിഴക വെട്രി കഴകം (ടിവികെ) അധ്യക്ഷനായ വിജയ് ഈ മാസം ആദ്യം മുഖ്യമന്ത്രിയായി ചുമതലയേറ്റതിന് ശേഷമുള്ള ആദ്യ ഔദ്യോഗിക ഡൽഹി സന്ദർശനമാണിത്.
സന്ദർശനത്തിൻ്റെ വിശദമായ ഔദ്യോഗിക പരിപാടി പുറത്തുവിട്ടിട്ടില്ലെങ്കിലും, രാവിലെ 10 മണിയോടെ ചെന്നൈ വിമാനത്താവളത്തിൽ നിന്ന് വിജയ് ഡൽഹിയിലേക്ക് യാത്ര തിരിക്കുമെന്നാണ് സൂചന.
കേന്ദ്ര-സംസ്ഥാന ബന്ധവും തമിഴ്നാടിൻ്റെ വിവിധ വികസന വിഷയങ്ങളും കൂടിക്കാഴ്ചയിൽ പ്രധാനമായും ചർച്ചയാകുമെന്നാണ് പ്രതീക്ഷ.
