മേയ് 31-ന് രാവിലെ 11 മണിക്ക് സംപ്രേഷണം ചെയ്യാനിരിക്കുന്ന മൻ കി ബാത്ത് പരിപാടി കേൾക്കാൻ രാജ്യത്തെ ജനങ്ങളോട് ആഹ്വാനം ചെയ്ത് പ്രധാനമന്ത്രി നരേന്ദ്ര മോദി.
ശനിയാഴ്ച സമൂഹമാധ്യമമായ എക്സിൽ പങ്കുവെച്ച സന്ദേശത്തിലാണ് പ്രധാനമന്ത്രി പരിപാടിയെക്കുറിച്ച് അറിയിച്ചത്. സമൂഹത്തെ കൂടുതൽ മെച്ചപ്പെടുത്താൻ പ്രചോദനമാകുന്ന ജീവിതകഥകൾ അവതരിപ്പിക്കുന്നത് എപ്പോഴും സന്തോഷം നൽകുന്ന കാര്യമാണെന്ന് അദ്ദേഹം പറഞ്ഞു.
“മേയ് 31-ന് രാവിലെ 11 മണിക്ക് സംപ്രേഷണം ചെയ്യുന്ന മൻ കി ബാത്ത് പരിപാടി കേൾക്കുക. നമ്മുടെ സമൂഹത്തെ മികച്ചതാക്കുന്ന പ്രചോദനാത്മകമായ ജീവിതയാത്രകൾ അവതരിപ്പിക്കാൻ എപ്പോഴും സന്തോഷമുണ്ട്,” പ്രധാനമന്ത്രി കുറിച്ചു.
രാജ്യത്തിൻ്റെ വിവിധ ഭാഗങ്ങളിൽ നിന്നുള്ള വ്യക്തികളുടെയും സാമൂഹിക സംരംഭങ്ങളുടെയും പ്രചോദനാത്മക കഥകൾ ജനങ്ങളുമായി പങ്കുവെക്കുന്ന പ്രധാനമന്ത്രിയുടെ പ്രതിമാസ റേഡിയോ പരിപാടിയാണ് മൻ കി ബാത്ത്.
