സംസ്ഥാനത്ത് സ്വർണവില വീണ്ടും ഉയർന്നു. ഇന്ന് പവന് 320 രൂപയും ഗ്രാമിന് 40 രൂപയുമാണ് വർധിച്ചത്. ഇതോടെ 22 കാരറ്റ് സ്വർണത്തിൻ്റെ വില ഗ്രാമിന് 13,430 രൂപയായി.
ഇന്നത്തെ വിപണി നിരക്കുപ്രകാരം 22 കാരറ്റ് (916) സ്വർണത്തിൻ്റെ ഒരു പവൻ്റെ വില 1,07,440 രൂപയാണ്. 18 കാരറ്റ് സ്വർണത്തിന് ഗ്രാമിന് 11,090 രൂപയും പവന് 88,720 രൂപയുമാണ് വില.
വെള്ളിയുടെ വില ഗ്രാമിന് 250 രൂപയും എട്ട് ഗ്രാമിന് 2,000 രൂപയുമാണ്.
ആഗോള വിപണിയിലെ ചലനങ്ങളും നിക്ഷേപകരുടെ വർധിച്ച താൽപര്യവും സ്വർണവില ഉയരാൻ കാരണമായതായി വിപണി വിദഗ്ധർ വിലയിരുത്തുന്നു. വിലക്കയറ്റം തുടരുന്ന സാഹചര്യത്തിൽ ആഭരണ വിപണിയിലും നിക്ഷേപ മേഖലയിലും സ്വർണവിലയിലെ മാറ്റങ്ങൾ ശ്രദ്ധാപൂർവം നിരീക്ഷിക്കപ്പെടുകയാണ്.
