ന്യൂഡൽഹി: സാങ്കേതികവിദ്യ, ഡാറ്റ, അറിവ്, നൂതനാശയങ്ങൾ എന്നിവ ജനങ്ങളെ ശാക്തീകരിക്കാനും അവസരങ്ങൾ വിപുലീകരിക്കാനും ഉപയോഗിക്കണമെന്ന് പ്രധാനമന്ത്രി നരേന്ദ്ര മോദി. ന്യൂഡൽഹിയിൽ നടന്ന ബ്ലൂംബെർഗ് ന്യൂ ഇക്കണോമി ഫോറത്തെ അഭിസംബോധന ചെയ്യുകയായിരുന്നു അദ്ദേഹം.
21-ാം നൂറ്റാണ്ടിൻ്റെ മൂന്നാം ദശകത്തിൽ ആഗോള ശക്തിയുടെ സ്വഭാവത്തിൽ വലിയ മാറ്റങ്ങളുണ്ടായിട്ടുണ്ടെന്ന് പ്രധാനമന്ത്രി പറഞ്ഞു. അധികാരം ഏതാനും പേരുടെ നേട്ടത്തിനായി മാത്രം ഉപയോഗിക്കുന്നതിന് പകരം ദശലക്ഷക്കണക്കിന് ആളുകൾക്ക് അവസരങ്ങൾ സൃഷ്ടിക്കാൻ വിനിയോഗിക്കണമെന്ന് അദ്ദേഹം അഭിപ്രായപ്പെട്ടു.
മത്സരത്തിൽനിന്ന് സഹകരണത്തിലേക്കും നിയന്ത്രണത്തിൽനിന്ന് ശാക്തീകരണത്തിലേക്കും മാറേണ്ടതിന്റെ ആവശ്യകത അദ്ദേഹം ചൂണ്ടിക്കാട്ടി. ‘പവർ ടു എംപവർ’ (Power to Empower) എന്ന ആശയമാണ് ഇതിലൂടെ മുന്നോട്ടുവെക്കുന്നതെന്നും ഇന്ത്യയുടെ ഭരണരീതിയിലും പ്രവർത്തനസംസ്കാരത്തിലും ഈ സമീപനം പ്രതിഫലിക്കുന്നുണ്ടെന്നും മോദി പറഞ്ഞു.
രാജ്യത്തിന്റെ പുരോഗതിയിൽനിന്നുള്ള ഉദാഹരണങ്ങളിലൂടെ ഈ ആശയം വിശദീകരിക്കുമെന്നും പ്രധാനമന്ത്രി വ്യക്തമാക്കി.
