ആലപ്പുഴ: നെഹ്രു ട്രോഫി വള്ളംകളിയിലെ വിജയി ആരാണെന്ന വിവാദത്തിന് അന്ത്യമായി. അപ്പീൽ കമ്മിറ്റി കാരിച്ചാല് ചുണ്ടനെ തന്നെ വിജയിയായി പ്രഖ്യാപിച്ചതോടെ തർക്കങ്ങൾക്ക് ഇടയില്ലാതായി.
വീയപുരം ചുണ്ടന്റെ പരാതിയും കുമരകം ടൗൺ ബോട്ട് ക്ലബിന്റെ പരാതിയും അപ്പീൽ കമ്മിറ്റി തള്ളി. വിശദമായ പരിശോധനയ്ക്കും വിഡിയോ തെളിവുകൾ പരിശോധിച്ചതിനു ശേഷമാണ് ഈ തീരുമാനം എടുത്തത്.
സ്റ്റാർട്ടിംഗിൽ പിഴവ് ഉണ്ടായി എന്നായിരുന്നു പരാതിക്കാരുടെ വാദം. എന്നാൽ സാങ്കേതിക സമിതി നടത്തിയ വിശദമായ പരിശോധനയിൽ ഈ ആരോപണം തെറ്റാണെന്ന് തെളിഞ്ഞു.
0.005 സെക്കൻഡ് വ്യത്യാസത്തിലായിരുന്നു കാരിച്ചാലിന്റെ വിജയം. ഇത്രയും ചെറിയ വ്യത്യാസത്തിൽ വിധി നിർണയിക്കുന്നത് സാധാരണമാണെന്നും ജൂറി കമ്മിറ്റി വ്യക്തമാക്കി.
