ന്യൂഡൽഹി: കോമൺവെൽത്ത് ഗെയിംസ് 2026ലെ ഇന്ത്യയുടെ മികച്ച മെഡൽ ജേതാക്കളെ പ്രധാനമന്ത്രി നരേന്ദ്ര മോദി 7, ലോക് കല്യാൺ മാർഗിലെ വസതിയിൽ സ്വീകരിച്ചു. കായികതാരങ്ങളുമായി കൂടിക്കാഴ്ച നടത്തിയ പ്രധാനമന്ത്രി ഗെയിംസിലെ അവരുടെ അനുഭവങ്ങൾ നേരിട്ട് ചോദിച്ചറിഞ്ഞു.
കായികതാരങ്ങളുടെ മികച്ച പ്രകടനങ്ങൾ രാജ്യത്തിന് ഏറെ അഭിമാനകരമാണെന്ന് പ്രധാനമന്ത്രി പറഞ്ഞു. അവരുടെ നേട്ടങ്ങൾ കൂടുതൽ യുവാക്കളെ കായികരംഗത്തേക്ക് ആകർഷിക്കാനും മികച്ച പ്രകടനങ്ങൾ നടത്താനും പ്രചോദനമാകുമെന്നും അദ്ദേഹം കൂട്ടിച്ചേർത്തു.
ഗെയിംസിലെ അനുഭവങ്ങൾ കായികതാരങ്ങളിൽ നിന്ന് കേൾക്കാൻ കഴിഞ്ഞതിൽ സന്തോഷമുണ്ടെന്ന് പ്രധാനമന്ത്രി എക്സിൽ പങ്കുവെച്ച കുറിപ്പിൽ കുറിച്ചിട്ടുണ്ട്.
“ഓരോരുത്തരും അവരുടെ മികച്ച പ്രകടനത്തിലൂടെ രാജ്യത്തിന് അഭിമാനം സമ്മാനിച്ചു. അവരുടെ വിജയം നിരവധി യുവാക്കളെ പ്രചോദിപ്പിക്കും,” എന്നാണ് എക്സിൽ പ്രധാനമന്ത്രി കുറിച്ചത്.
