കണ്ണൂര്: കണ്ണൂര് എഡിഎം നവീന് ബാബുവിനെ തൂങ്ങിമരിച്ച നിലയില് പള്ളിക്കുന്നിലെ വീട്ടില് കണ്ടെത്തി. ജില്ലാ പഞ്ചായത്ത് പ്രസിഡന്റ് പിപി ദിവ്യ ഇന്നലെ ആസൂത്രണ യോഗത്തില് നവീന് ബാബുവിനെതിരെ അഴിമതിയാരോപണം ഉന്നയിച്ചതിന് പിന്നാലെയാണ് ഈ ദാരുണ സംഭവം.
ജില്ലാ കലക്ടറുടെ സാന്നിധ്യത്തിലുള്ള യാത്രയയപ്പ് യോഗത്തില് വെച്ചാണ് ദിവ്യ അഴിമതിയാരോപണങ്ങള് മുന്നോട്ടുവച്ചത്. ചെങ്ങളായിയിലെ പെട്രോള് പമ്പിന്റെ എന്ഒസി അനുവദിച്ചത് അഴിമതിയാണെന്നും ഇതിന്റെ തെളിവുകള് രണ്ട് ദിവസത്തിനുള്ളില് പുറത്തുവരുമെന്നും ദിവ്യ ഭീഷണിപ്പെടുത്തി വേദി വിട്ടു.
ഇന്ന് പത്തനംതിട്ടയിലേക്ക് സ്ഥലംമാറ്റം ലഭിച്ചിരുന്ന നവീന് ബാബു, രാവിലെ യാത്രയാക്കേണ്ടിയിരുന്ന ട്രെയിനില് കയറാതിരുന്നപ്പോള് ബന്ധുക്കള് വിവരം അന്വേഷിച്ച് വീട്ടില് പരിശോധന നടത്തിയപ്പോഴാണ് മരിച്ചനിലയില് കണ്ടെത്തിയത്.
പോലീസ് അസ്വാഭാവിക മരണത്തിന് കേസ് രജിസ്റ്റര് ചെയ്തിരിക്കുമ്പോള്, നവീന് ബാബുവിന്റെ മരണം രാഷ്ട്രീയ വിവാദമായതോടെ കോണ്ഗ്രസ്, ബിജെപി അടക്കമുള്ള രാഷ്ട്രീയകക്ഷികള് പിപി ദിവ്യയ്ക്കെതിരെ ശക്തമായ പ്രതിഷേധവുമായി രംഗത്ത് എത്തി.
