പുതിയ ബിജെപി സർക്കാരിൻ്റെ സത്യപ്രതിജ്ഞാ ചടങ്ങിനോടനുബന്ധിച്ച് കൊൽക്കത്തയിൽ കർശന സുരക്ഷ ഏർപ്പെടുത്തി. ശനിയാഴ്ച ബ്രിഗേഡ് പരേഡ് ഗ്രൌണ്ടിൽ നടക്കുന്ന ചടങ്ങിൽ പ്രധാനമന്ത്രിനരേന്ദ്ര മോദിയും ബിജെപി ഭരിക്കുന്ന സംസ്ഥാനങ്ങളിലെ നിരവധി മുഖ്യമന്ത്രിമാരും പങ്കെടുക്കും.
ചടങ്ങിനെ തുടർന്ന് നഗരത്തിലെ പ്രധാന മേഖലകളിൽ ഗതാഗത നിയന്ത്രണങ്ങൾ ഏർപ്പെടുത്തിയതായി കൊൽക്കത്ത പൊലീസ് അറിയിച്ചു. മെയ് 9 രാവിലെ 6 മുതൽ വൈകിട്ട് 6 വരെ ചടങ്ങ് നടക്കുന്ന സ്ഥലത്തിൻ്റെ മൂന്ന് കിലോമീറ്റർ പരിധിക്കുള്ളിൽ ഡ്രോൺ, യു.എ.വി., ബലൂൺ, ഗ്ലൈഡർ വിമാനങ്ങൾ ഉൾപ്പെടെയുള്ള ചെറുവിമാനങ്ങളുടെ പ്രവർത്തനവും നിരോധിച്ചിട്ടുണ്ട്.
വിവിഐപിമാരുടെ സന്ദർശനവുമായി ബന്ധപ്പെട്ട് സുരക്ഷാഭീഷണികൾ ഒഴിവാക്കുന്നതിനും കർശന സുരക്ഷ ഉറപ്പാക്കുന്നതിനുമാണ് നിയന്ത്രണങ്ങൾ ഏർപ്പെടുത്തിയതെന്ന് പൊലീസ് വ്യക്തമാക്കി.
