കൊൽക്കത്ത: പശ്ചിമ ബംഗാളിൽ ഒരാഴ്ച നീണ്ടുനിന്ന ലഹരിവിരുദ്ധ പരിശോധനയിൽ 378 പേരെ അറസ്റ്റ് ചെയ്യുകയും ഏകദേശം 64 കോടി രൂപ വിലമതിക്കുന്ന ലഹരിവസ്തുക്കൾ പിടിച്ചെടുക്കുകയും ചെയ്തതായി മുഖ്യമന്ത്രി സുവേന്ദു അധികാരി അറിയിച്ചു.
ഒക്ടോബർ 31 മുതൽ നവംബർ 7 വരെ സംസ്ഥാനത്തുടനീളം ലഹരിക്കടത്തും അനധികൃത ലഹരിവസ്തു കൃഷിയും തടയുന്നതിനായി നടത്തിയ പ്രത്യേക പരിശോധനയിലാണ് നടപടി. പരിശോധനയുടെ ഭാഗമായി ലഹരിമരുന്നുകളുമായി ബന്ധപ്പെട്ട 212 കേസുകൾ രജിസ്റ്റർ ചെയ്തതായും അദ്ദേഹം സമൂഹമാധ്യമത്തിലൂടെ അറിയിച്ചു.
ഇതിനുപുറമെ, 17 ലക്ഷം രൂപയും പരിശോധനയ്ക്കിടെ പിടിച്ചെടുത്തു. ഏകദേശം 101 കോടി രൂപ വിലമതിക്കുന്ന ലഹരിവസ്തുക്കൾ ഈ കാലയളവിൽ നശിപ്പിച്ചുവെന്നും മുഖ്യമന്ത്രി വ്യക്തമാക്കി.
