കൊല്ലം: നടന് വിനായകന് പൊലീസ് കസ്റ്റഡിയില്. കൊല്ലത്തുള്ള ഒരു പഞ്ചനക്ഷത്ര ഹോട്ടലില് മദ്യപിച്ച് ബഹളമുണ്ടാക്കിയതിനെത്തുടര്ന്നാണ് അഞ്ചാലുംമൂട് പൊലീസ് വിനായകനെ കസ്റ്റഡിയില് എടുത്തത്. ഉച്ചയോടെയാണ് സംഭവമുണ്ടായത്.
ഹോട്ടല് ജീവനക്കാരന് മോശമായി പെരുമാറിയെന്നു ആരോപിച്ച് വിനായകന് തന്നെയാണ് ആദ്യം പൊലീസിനെ വിളിച്ചുവരുത്തിയതെന്ന് പ്രാഥമിക റിപ്പോര്ട്ടുകളുണ്ട്. സ്റ്റേഷനിലെത്തിയ ശേഷം പൊലീസ് ഉദ്യോഗസ്ഥരോട് വിനായകന് തട്ടിക്കയറി. തന്നെ എന്തിനാണ് പിടിച്ചുവച്ചിരിക്കുന്നതെന്നും തനിക്ക് ഒരു പരാതി നല്കാനുണ്ടെന്നും പറഞ്ഞാണ് നടന് ബഹളം വച്ചത്.
മദ്യപിച്ച നടന് വിദേശ വനിതയോട് മോശമായി പെരുമാറിയെന്നും റിപ്പോര്ട്ടുണ്ട്. വിനായകനെ മെഡിക്കല് പരിശോധനയ്ക്ക് വിധേയമാക്കി. പിന്നീടാണ് അഞ്ചാലുംമൂട് സ്റ്റേഷനിലേക്ക് കൊണ്ടുവന്നത്. വിനായകന്റെ മാനേജരും സംഘവും മാധ്യമ പ്രവര്ത്തകരുമായി തട്ടിക്കയറിയെന്നും പരാതിയുണ്ട്.
