ന്യൂഡൽഹി: സിപിഎം ജനറൽ സെക്രട്ടറി സിതാരാം യെചുരി (72) അന്തരിച്ചു. ശ്വാസകോശ അണുബാധ മൂലം ഡൽഹി എയിംസിൽ ചികിത്സയിലിരിക്കേ ഇന്ന് വൈകിട്ട് 3:30നാണ് അദ്ദേഹം അന്തരിച്ചിരിക്കുന്നത്. 32 വർഷത്തെ പ്രൗഢമായ സിപിഎം പൊളിറ്റ് ബ്യൂറോ അംഗമായിരുന്ന യെചുരി 2015 ലാണ് ജനറൽ സെക്രട്ടറി പദവിയിൽ എത്തിയത്. 2005 മുതൽ 2017 വരെ ബംഗാളിൽ നിന്നുള്ള രാജ്യസഭാംഗമായും പ്രവർത്തിച്ച അദ്ദേഹം, 1984 ൽ എസ്എഫ്ഐയുടെ ദേശീയ പ്രസിഡന്റായി നിലകൊണ്ടു. അദ്ദേഹം 1984 ൽ സിപിഎം കേന്ദ്ര കമ്മിറ്റിയിൽ അംഗമായി. Read More…
രാജ്യത്തെ ഹൈവേ ശൃംഖല ശക്തിപ്പെടുത്താൻ 74 പുതിയ തുരങ്കപാതകൾ നിർമിക്കുമെന്ന് കേന്ദ്ര ഗതാഗതമന്ത്രി നിതിൻ ഗഡ്കരി പ്രഖ്യാപിച്ചു. ഏകദേശം 273 കിലോമീറ്റർ ദൈർഘ്യമുള്ള ഈ പാതകൾക്ക് ഏകദേശം 1 ലക്ഷം കോടി രൂപ ചെലവുവരും. 35 തുരങ്കങ്ങൾ ഇതിനകം പൂർത്തിയായതായും 69 തുരങ്കങ്ങളുടെ നിർമാണം പുരോഗമിക്കുകയാണെന്നും 40000 കോടി രൂപ ഇതിന് ചെലവാകുമെന്നും അദ്ദേഹം വ്യക്തമാക്കി. റോഡുകളുടെയും തുരങ്കങ്ങളുടെയും ഗുണനിലവാരം ഉറപ്പാക്കാൻ പർഫോമൻസ് ഓഡിറ്റിങ്ങിന്റെ പ്രധാന്യത്തെ കുറിച്ചും ഗഡ്കരി ഊന്നി.
കേന്ദ്രമന്ത്രി ശ്രീ ജോർജ് കുര്യൻ രാജ്യസഭാംഗമായി നാളെ രാവിലെ (സെപ്തംബർ 4) 11 മണിക്ക് പാർലമെന്റ് ഹൗസിൽ (റൂം നമ്പർ എഫ് -100 ) സത്യപ്രതിജ്ഞ ചെയ്യും. ബഹു വൈസ് പ്രസിഡന്റും രാജ്യസഭാ ചെയർമാനുമായ ശ്രീ ജഗദീപ് ധൻകർ ആണ് സത്യപ്രതിജ്ഞ വാചകം ചൊല്ലിക്കൊടുക്കുന്നത്. ശ്രീ ജോർജ് കുര്യൻ മധ്യപ്രദേശിൽ നിന്നാണ് രാജ്യസഭാംഗമായി തിരഞ്ഞെടുക്കപ്പെട്ടത്.