ന്യൂഡൽഹി: 1893 സെപ്റ്റംബർ 11ന് ചിക്കാഗോയിൽ സ്വാമി വിവേകാനന്ദൻ നടത്തിയ ചരിത്രപ്രസിദ്ധമായ പ്രസംഗം അനുസ്മരിച്ച് പ്രധാനമന്ത്രി നരേന്ദ്ര മോദി. വിവേകാനന്ദൻ്റെ പ്രസംഗം ഇന്ത്യയുടെ സാംസ്കാരിക-നാഗരിക പൈതൃകത്തിൻ്റെ മഹത്വം ലോകത്തിന് പരിചയപ്പെടുത്തിയെന്ന് മോദി പറഞ്ഞു. അദ്ദേഹത്തിൻ്റെ പ്രചോദനാത്മക വാക്കുകൾ ഇന്നും ലോകമെമ്പാടും പ്രതിധ്വനിക്കുന്നുണ്ടെന്നും പ്രധാനമന്ത്രി വ്യക്തമാക്കി. സ്വാമി വിവേകാനന്ദനെ അനുസ്മരിച്ചുകൊണ്ട് പ്രധാനമന്ത്രി നരേന്ദ്രമോദി സമൂഹമാധ്യമമായ എക്സിൽ ഒരു കുറിപ്പും പങ്കുവെച്ചിട്ടുണ്ട്.
